Microsoft Xbox Ally X дээр DLSS-ийн өрсөлдөгчөө туршиж эхэллээ

Microsoft Xbox Ally X дээрх том дэлгэцийн тоглолтыг илүү жигд болгох шинэ алхам хийлээ. Компанийн Auto Super Resolution буюу Auto SR функцийг одоогоор туршилтаар ашиглаж эхэлсэн байна.

Энэ технологи нь анх Copilot Plus төхөөрөмжүүд дээр гарч, зарим тоглоомын дүрсний чанар болон FPS-ийг сайжруулах зорилготой байсан. Одоо docked буюу дэлгэцэнд холбож тоглох үед Xbox Ally X дээр ажиллаж, 7 инчийн handheld-ийг ТВ дээр илүү өндөр нягтаршилтай, илүү цэвэр дүрстэй харагдуулахыг зорьж байна.

Бизнесийн өнцгөөс энэ нь Microsoft-ын Xbox экосистемийг зөвхөн консолоор хязгаарлахгүй, handheld gaming зах зээл дээр AI-д суурилсан гүйцэтгэлийн давуу тал гаргах оролдлого гэж харагдаж байна. Хэрвээ Auto SR сайн ажиллавал Microsoft нь AMD-ийн FSR, NVIDIA-ийн DLSS-тэй өрсөлдөх өөрийн шийдлийг илүү өргөн хүрээнд түгээх боломжтой.