Turtle Beach-ийн touchscreen хулгана яагаад хэрэгтэй гэж?

Turtle Beach тоглоомын тоноглолд нэгэн хачирхалтай шийдэл нэмлээ: хулганы хажууд touchscreen дэлгэц суулгасан MC7. 160 ам.долларын утасгүй энэ загварын 2.25 инчийн дэлгэц нь макро, апп, OBS удирдлагыг товчлуураас өөрөөр хянах боломж өгнө гэжээ.

Гэхдээ асуулт нь “боломжтой юу?” гэхээсээ илүү “үнэхээр хэрэгтэй юу?” дээр очно. Дэлгэц нь эрхий хуруунд яг өртөх байрлалтай тул буруу даралт, санамсаргүй үйлдэл үүсгэх эрсдэлтэй. Энэ нь нэг ёсондоо Stream Deck-ийг хулганы биед шахаж оруулсан мэт харагдана.

Тоглоом, стриминг, контент бүтээх зах зээлд ийм туршилтууд анхаарал татдаг. Харин бизнесийн өнцгөөс бол Turtle Beach стандарт хулганаас илүү өндөр үнэтэй, ялгарах бүтээгдэхүүнээр сонирхол татаж байна.