Октябрийн драмын жүжигчдийн нэр хүндийн жагсаалтыг зарлалаа
Сoompi-гийн мэдээлснээр Солонгосын Бизнес Судалгааны Хүрээлэн энэ сарын драмын жүжигчдийн брэнд нэр хүндийн шинэ жагсаалтыг танилцууллаа. Жагсаалтыг есдүгээр сарын 13-наас аравдугаар сарын 13-ны хооронд цацагдсан драмуудад тоглосон 50 жүжигчний хэвлэл мэдээлэл, оролцоо, харилцан үйлчлэл, олон нийтийн индексэд тулгуурлан гаргасан байна.
Энэ сард Song Kang тэргүүлж, 4,017,408 оноотой эхний байрт бичигдлээ. Түүний түлхүүр үгийн шинжилгээнд “Four Hands, Two Sonatas”, “Kang Pio”, “Lee Jun Young” зэрэг нэр томьёо өндөрт жагссан бөгөөд эерэг хариу үйлдлийн хувь 92.47 хувь гэж гарсан байна.
“Four Hands, Two Sonatas” уран бүтээлийн хоёр гол од жагсаалтын эхний хоёр байрыг эзэлжээ. Lee Jun Young 3,799,264 оноогоор хоёрт орсон бол Ji Chang Wook “The Scandal” цувралд тоглосны дараа 3,136,255 оноотой гуравдугаарт бичигдсэн байна.
Seo Kang Jun “A Love Other Than Yours” драмын дүрээр дөрөвт, харин Kong Hyo Jin “A Bona Fide Killer” бүтээлд тоглосны дараа 2,849,138 оноотой эхний тавыг гүйцээжээ. Жагсаалтын эхний 30-д Son Ye Jin, Ahn Eun Jin, Ha Seok Jin, Nana, Ahn Bo Hyun зэрэг олон жүжигчин багтсан байна.
