Ahn Hyo Seop, Chang Ryul нар “Final Table”-д өрсөлдөнө
Soompi-ийн мэдээлснээр, шинэ хоолны драм “Final Table”-д Ahn Hyo Seop, Chang Ryul нарын дүрүүд ширүүн өрсөлдөөн өрнүүлнэ. Тус бүтээл нь дэлхийн өнцөг булан бүрээс ирсэн солонгос тогоочдыг “The Table: K-Chef 2026” нэртэй өндөр эрсдэлтэй тэмцээнд нэгтгэн, шилдэг солонгос тогоочийг тодруулах тухай өгүүлнэ.
Драмд Ahn Hyo Seop-ын бүтээх Kang Han нь Familia рестораны ахлах тогооч, төрөлхийн гоо зүйн мэдрэмж болон хурдан суралцах чадвараараа дэлхийн олон орны хоолыг эзэмшсэн авьяастай тогоочийн дүр юм. Тэр хөдөлгөөн ихтэй, жил бүр байршлаа сольдог ч хоол нь нэг хэв загварт баригддаггүй, олон орны техник шингээсэн онцлогтой гэж танилцуулжээ.
Harin Chang Ryul-ын Cha Woo Jin нь Pyungyeon Group-ийн дэмжлэгтэй өссөн, мэргэжлийн сургууль төгсөөд улсын шилдэг рестораны нэг болох Exception-ийн ахлах тогооч болсон суут авьяастны дүрээр гарна. Тэр алдаа гаргадаггүй, нарийн төлөвлөгдсөн бөгөөд чанд дэг жаягтай хоолоороо Kang Han-тай мөргөлдөх юм.
Хоёр тогооч зан чанар, хэв маягаараа эсрэгцэлтэй ч хоол хийх хүсэл, амтыг нарийн тооцоолох тал дээр ижил төстэй. Өмнө нь олон улсын хоолны тэмцээнд өрсөлдөхдөө Kang Han нэгдүгээр байр, Cha Woo Jin хоёрдугаар байрт орж байсан бөгөөд энэ удаагийн тулаан хэрхэн өрнөх нь анхаарал татаж байна. “Final Table” 10-р сарын 24-нд Солонгосын цагаар 22:40-д нээлтээ хийнэ.
