Цагаан ордон “arcade” тоглоомоороо шуугиан тарьлаа

Цагаан ордон энэ удаа улс төрийн өнгө аястай “arcade” төрлийн хэд хэдэн тоглоом гаргалаа. Гэхдээ тэдний нэг нь шууд хүчтэй шүүмжлэл дагуулж байна.

“Build the Wall” нэртэй тоглоом нь сонгодог Tetris-тэй тун төстэй харагдах ч, дүрслэл ба агуулга нь цагаачидтай холбоотой бүдүүлэг, арьс өнгөөр ялгаварласан мессеж агуулжээ. Тоглогч нь янз бүрийн хэлбэртэй хэсгүүдийг өрж, өмнөд хилийн “зомби довтолгоо”-г зогсоох ёстой гэж үзүүлсэн байна.

Энэ бол зүгээр нэг тоглоомын асуудал биш. Улс төрийн PR, дижитал контент, брэндийн нэр хүнд, мөн зохиогчийн эрхийн эрсдэл бүгд холилдож байна. Tetris-ийн эзэмшигч тал аль хэдийн хариу өгсөн нь том маргаан даамжрах эхлэл байж мэднэ.

Магадгүй энэ кампанит ажил MAGA дэмжигчдэд зориулсан шоу мэт харагдаж болох ч, технологи ба медиа талдаа нэр хүндийн том эрсдэл үүсгэж байна.