Дизель шатахуун дээд түвшинд хүрч, инфляцийн дарамт нэмэгдлээ
Дизель түлшний үнэ түүхэн дээд түвшинд хүрч, дэлхийн зах зээл дээр инфляцийн шинэ дарамт үүсгээд байна. Үнийн өсөлтийн гол шалтгаан нь Украин Оросын нефть боловсруулах үйлдвэрүүдийг онилон довтолсноор нийлүүлэлт хумигдаж, Москва дизелийн экспортод хориг тавихад хүрсэнтэй холбоотой.
Үүний зэрэгцээ Ойрх Дорнод дахь хурцадмал байдал, тэр дундаа Ирантай холбоотой геополитикийн эрсдэл эрчим хүчний зах зээлийг улам тогтворгүй болгож байна. Нийлүүлэлтийн сүлжээний энэ дарамт нь тээвэр, хөдөө аж ахуй, үйлдвэрлэлийн салбарт шууд нөлөөлдөг дизель түлшний үнийг нэмэгдүүлж, өргөн хүрээний бараа, үйлчилгээний өртгийг өсгөх эрсдэлтэй.
Зах зээлийн шинжээчид эрчим хүчний нийлүүлэлт дахин доголдвол инфляци удаан хугацаанд өндөр түвшинд хадгалагдаж болзошгүйг анхааруулж байна. Түлшний үнэ өсөхийн хэрээр төв банкууд хүүгийн бодлогоо удаан хугацаанд чанга хэвээр барих дарамт ч нэмэгдэж байна.
