GTA VI яг л хүлээсэн шиг гоё харагдлаа
Rockstar Games эцэст нь Grand Theft Auto VI-ийн “extended look”-оо дэлгэлээ. Тэгээд нэг зүйл шууд анзаарагдана: энэ бол зүгээр нэг шинэ анги биш, цоо шинэ түвшний GTA байна.
Тоглоомын үндсэн мэдрэмж хэвээр үлджээ — хот судлах, машин барих, гэмт хэрэг, буудалцаан, кино шиг өрнөл. Гэхдээ бүх зүйл илүү гөлгөр, илүү бодит, илүү нягт харагдаж байна. Дотор орчин, гэрэлтүүлэг, дүрслэлийн нарийвчлал нь өмнөх ангиудаас нэг алхам биш, хэд хэдэн алхам урагшилсан мэт.
Шинэ үзэгдлүүдэд гол дүрүүд Jason Duval, Lucia Caminos хоёрын хамтын ажиллагаа тод гарч байна. Нэг хэсэгт Jason машины цонхоор гарч буудаж, Lucia жолоодож явахад хамтран ажилладаг нь тоглоомын хэмнэлийг илүү хүчтэй болгожээ.
Видео нь PS5 дээр авсныг анхаарах хэрэгтэй. Өөрөөр хэлбэл, GTA VI ирэхээрээ зөвхөн тоглоомын зах зээлд биш, консолын борлуулалтад ч хүчтэй түлхэц өгөх магадлалтай.
