Atlassian-ийн хувьцаа орлогын тайлангийн дараа 20% өсөв
Atlassian-ийн хувьцаа орлогын тайлангаа танилцуулсны дараа хүчтэй өсөж, нэг өдрийн дотор 20 орчим хувиар огцом нэмэгдлээ. Зах зээлд сүүлийн үед програм хангамжийн компаниудын үнэлгээг дарамталж буй “SaaS-pocalypse” хэмээх айдас үргэлжилж байгаа ч тус компанийн гүйцэтгэл хөрөнгө оруулагчдын хүлээлтийг давсан нь ийнхүү эергээр нөлөөлөв.
Компанийн cloud болон data center бизнесийн өсөлт онцгой анхаарал татлаа. Ялангуяа аж ахуйн нэгжүүдийн дотоод систем, хамтын ажиллагааны шийдлүүдэд тогтвортой эрэлт байгааг энэ үзүүлэлт харуулсан байна. Үүний зэрэгцээ хиймэл оюун ухаан улам олон софтверийн бизнесийн загварт дарамт үзүүлж буй энэ үед Atlassian өөрийн давуу талаа хадгалж чадна гэсэн хүлээлт нэмэгдэв.
Хөрөнгө оруулагчид одоо компанийн өсөлтийг зөвхөн орлогын тоогоор бус, шинэ технологийн эрин үед бүтээгдэхүүн нь хэр удаан өрсөлдөх чадвартай байх вэ гэдгээр нь үнэлж эхэлжээ.
