Choo Young Woo шинэ “Between Steps” драмын постерт гарч байна
ENA-гийн удахгүй гарах “Between Steps” романтик драм шинэ постероо танилцууллаа. Уг бүтээлд Choo Young Woo-гийн бүтээх Park Min Jae болон Kim So Hyun-ы бүтээх Im Yoo Jin нарын түүхийг өгүүлнэ.
“Between Steps” нь талийгаач найруулагч Ahn Pan Seok-ийн шинэ уран бүтээл бөгөөд тэрээр өмнө нь “Something in the Rain”, “One Spring Night”, “The Midnight Romance in Hagwon” зэрэг драмыг найруулж байжээ. Энэ удаагийн постерт лабораторийн шалан дээр сууж буй Park Min Jae-гийн тайван бус харц, ганцаардмал төрх тод харагдана.
Park Min Jae бол өвчний улмаас баруун хөлөө алдаж, усанд сэлэгч болох мөрөөдлөө орхисон дүр. Тэрээр робот техникт шинэ чиглэл олж, докторын оюутнаар судалгаагаа чимээгүй үргэлжлүүлдэг бөгөөд Im Yoo Jin-тай учирснаар түүний амьдралд өөрчлөлт гарна.
Choo Young Woo дүрээ бүтээхдээ Park Min Jae-гийн нөхцөл байдлыг хамгийн сайн ойлгодог, өнгөрсөн шархандаа гацалгүйгээр өөрийн чадах зүйлээ хайдаг хүнээр харуулахыг зорьсноо хэлжээ. “Between Steps” ирэх 10 дугаар сарын 5-нд Солонгосын цагаар 22:00-д нээлтээ хийнэ. Soompi-гийн мэдээлснээр, уран бүтээл багийнхан энэ түүхийг өөр өөрийн дутагдалтай ч бие биедээ зориг, тайвшрал өгдөг залуусын тухай хэмээн онцолсон байна.
