Федерийн шинэ төсөөлөлд Уорш нэг “цэг”-ээ нууж магадгүй
АНУ-ын төв банкны Холбооны Нээлттэй Захын Хороo удахгүй бодлогын хүү хаашаа чиглэх талаар гишүүдийн шинэчилсэн төсөөллөө танилцуулах гэж байна. Энэ тайлан зах зээлийн оролцогчдын хувьд зөвхөн тоон мэдээлэл биш — ирэх саруудад мөнгөний бодлого ямар өнгө аястай байхыг илтгэдэг чухал дохио юм.
Гэхдээ энэ удаа анхаарлын төвд нэг жижиг боловч нөлөө ихтэй деталь байна. Төв банкны захирал Уорш өөрийн хүүгийн төсөөллийн “цэг”-ийг ил гаргахгүй байж магадгүй гэсэн хүлээлт үүсээд байна. Ийм алхам нь дотоод үзэл бодлын ялгааг бүдгэрүүлэхээс гадна бодлогын чиглэлийн дохиог илүү болгоомжтой, хязгаарлагдмал болгох эрсдэлтэй.
“Dot plot” буюу цэгэн төсөөлөл нь төв банкны гишүүдийн хүүг хаана очно гэж харж буйг харуулдаг. Зах зээл энэ дохиог инфляц, өсөлт, ажил эрхлэлтийн цаашдын дүр зурагтай хамтад нь уншдаг тул нэг ч цэг алга болох нь хүртэл анхаарал татдаг. Тиймээс энэ удаагийн мэдэгдэл хөрөнгийн зах зээл, бондын өгөөж, ам.долларын хөдөлгөөнд шууд нөлөөлөх магадлалтай.
