Код хийх, карт уншуулах, хурууны хээ уншуулах шаардлагагүй ухаалаг цоож
Ухаалаг цоож өөрөө онгойх (auto-unlock) функц нь таны төхөөрөмж хаалганд ойртсоныг мэдрэн автоматаар онгойлгодог ч бодит хэрэглээндээ найдвартай бус тохиолдол цөөнгүй тул зарим хэрэглэгчдэд таагүй санагддаг. Харин Aqara-ийн Smart Lock U400 нь iPhone болон Apple Watch хэрэглэгчдэд энэ асуудлыг амжилттай шийдэж өгчээ.
Яаж гэвэл — Ultra-Wideband (UWB) утасгүй технологийг ашигласнаар. Энэхүү систем нь таны төхөөрөмжийн ойртолтыг маш өндөр нарийвчлалтайгаар илрүүлж, хаалганд яг хүрэхээс агшин зуурын өмнө л цоожийг онгойлгодог. Үзүүлэн танилцуулгаар харахад (ядаж л тэнд) энэ шийдэл алдаагүй, найдвартай ажиллаж байсан төдийгүй, биометр танилтад (хуруу, алга, нүүр) болгоомжилдог хэрэглэгчдэд илүү тайван сонголт болж байна.
$270-ын үнэтэй U400 нь Matter over Thread-ийг дэмждэг. Өөрөөр хэлбэл, Wi-Fi эсвэл Bluetooth биш, харин бага эрчим хүч зарцуулдаг Thread сүлжээгээр Matter-ийн нийтлэг ухаалаг гэрийн хэлээр “ярьдаг” гэсэн үг. Үүний зэрэгцээ удаан хугацаанд ажиллах цэнэглэдэг батарейтай.
Мөн нэвтрэх олон сонголтыг санал болгоно:
- Товчлууртай код
- Механик түлхүүр
- Хурууны хээ уншигч
- Tap-to-unlock (ойртуулаад онгойлгох)
👉 Aqara Smart Lock U400 — iPhone экосистемд төгс нийцсэн, найдвартай auto-unlock шийдэл.
