Шинээр илрүүлсэн солир Сарыг мөргөх магадлал нэмэгджээ
Өнгөрсөн оны 12 дугаар сард илрүүлсэн “2024 YR4” астероид 2032 онд Сарыг мөргөх магадлал хоёр дахин нэмэгджээ. Ийм дүгнэлтийг Америкийн сансар судлалын НАСА агентлагийн эрдэмтэд хийсэн байна.
Өмнө нь энэ магадлал 1.7 хувь байсан бол одоо 3.8 хувь болж нэмэгдсэн гэж мэдээлж байна. Харин солир Дэлхийг мөргөх магадлал хамгийн бага буюу 0.004 хувь байгаа ажээ.
Чулуурхаг гадаргуутай уг солир нь 67-53 м-ийн хэмжээтэй бөгөөд 19.5 минут тутамд нэг бүтэн эргэлт хийн эргэлдэж байгаа ажээ. Солирын мөргөлтийн хүчийг 8-30 мегатонн тротилтой тэнцэнэ гэж тооцоолсон байна. Хирошима дээр америкчуудын хаясан цөмийн бөмбөг үүнээс хэд дахин бага хүчтэй байжээ.
Ойрын 1000 жилд нэг км ба түүнээс том хэмжээтэй солир дэлхийтэй мөргөлдөхгүй бөгөөд бүгд манай гаргийн хажуугаар өнгөрнө гэж эрдэмтэд тооцоолж байна.
