ББСБ салбарын актив ДНБ-ий 8,9%-тай тэнцэж байна

Монгол Улсын дотоодын нийт бүтээгдэхүүн (ДНБ) 2024 онд урьдчилсан гүйцэтгэлээр 80.0 их наяд төгрөгт хүрч, өмнөх оноос 9.5 их наяд төгрөг буюу 13.5 хувиар өссөн талаар Үндэсний статистикийн хороо мэдээллээ.

ДНБ-ий өсөлтөд уул уурхай, олборлолтын салбар болон үйлчилгээний салбарын өсөлт голлон нөлөөлсөн байна.

• Уул уурхайн салбарын нэмэгдэл өртөг 2.0 их наяд төгрөгөөр (10.0%) нэмэгдсэн,
• Үйлчилгээний салбарын нэмэгдэл өртөг 6.4 их наяд төгрөгөөр (22.2%) өссөн нь эдийн засгийн өсөлтийн гол хөдөлгөгч хүч болсон байна.

Санхүүгийн зохицуулах хорооны зохицуулалтад багтах хөрөнгийн зах зээл, даатгалын салбар, банк бус санхүүгийн байгууллага (ББСБ), хадгаламж, зээлийн хоршоод нь ДНБ-ий 26.5 хувийг бүрдүүлж, өмнөх оноос 1.6 хувиар нэмэгджээ.

Энэхүү өсөлтөд дараах хүчин зүйлс голлон нөлөөлсөн байна:

• ДНБ-д эзлэх хөрөнгийн зах зээлийн үнэлгээ 16.3%
• ДНБ-д эзлэх ББСБ-уудын нийт хөрөнгө 8.9% болсон нь тус тус нөлөөлсөн байна.