Studio Ghibli-ийн хамтран үүсгэн байгуулагч, алдарт найруулагч Хаяао Мияазаки хиймэл оюун ухаанаар бүтээгдсэн дүрслэлүүдэд дургүй гэдгээ илэрхийлж байсан.
2016 онд тэрээр NHK сувгийн баримтат киноны үеэр хиймэл оюун ухаанаар үүсгэсэн хөдөлгөөнт дүрслэлүүдийг үзээд маш сөрөг хандлага гаргасан байдаг. Тэрбээр “Энэ бол амьдралыг доромжилж байгаа хэрэг. Би иймэрхүү зүйл бүтээдэг хүмүүсийг үзэн яддаг” хэмээн хэлсэн нь тухайн үедээ шуугиан тарьж байв.
Мияазакигийн хувьд гар аргаар зурсан, хүний сэтгэл хөдлөлийг шингээсэн урлагийг эрхэмлэдэг бөгөөд хиймэл оюун ухаан нь жинхэнэ уран бүтээлийг орлох боломжгүй гэж үздэг. Studio Ghibli ч өөрсдөө 2D гар зургийн уламжлалаа хадгалсаар ирсэн. Тэгэхээр ChatGPT-ийн Ghibli хэв маягийн зураг үүсгэх чадвар нэвтэрснээр энэ сэдэв дахин хөндөгдөж, зохиогчийн эрхийн маргаан ч гарч болзошгүй байна.
