Титан хиймэл зүрхтэй хүн 100 хоног амьдарсан нь томоохон дэвшил болжээ
Донор олдох хүртэл ашиглах зорилгоор бүтээгдсэн титан зүрхийг суулгуулсан хүн 100 хоног амьдарсан нь энэ төрлийн технологийн хувьд шинэ дээд амжилт боллоо.
Австралийн иргэн 40 гаруй насны эрэгтэй өвчтөн өнгөрсөн оны арваннэгдүгээр сард Сидней хотын Сэнт Винсентын эмнэлэгт титан зүрх суулгуулж байсан юм.
Хиймэл титан зүрх ийм удаан хэвийн ажилласан нь цаашдаа байнгын хиймэл зүрх ашигладаг болох боломж нэмэгдэж байгааг харуулсан байна. Одоогоор ийм зүрхийг зөвхөн турших зорилгоор ашиглахыг зөвшөөрсөн байдаг.
Тус компанийн бүтээсэн TAH (Total Artificial Heart) төхөөрөмж нь титан материалаар бүтсэн эх биетэй, дотроо ямар нэг элэгдэлд өртөмтгий хавхлага болон механик эд ангигүй, зөвхөн соронзоор бэхлэгдсэн нэг хөдөлгүүртэй юм. Энэ нь цусыг бие болон уушги руу шахдаг юм байна.
