Энэтхэг улс хуучин машиныг зах зээлээс гаргана
Энэтхэг улс агаарын бохирдлоороо дээгүүр жагсдаг. Тус улсын агаарын бохирдлын гол шалтгаан нь хуучирсан машин юм.
Иргэдийн ихэнх хувь нь шинэ машин авч чадах санхүүгийн боломж байхгүй тул өмнөх зууны, хуучин машиныг засаж сэлбэн унасаар байна. Тус улсын Засгийн газар 2015 оноос эхлэн хуучин машинтай тэмцэж эхэлсэн ч тодорхой үр дүнд хүрч чадаагүй.
Тэгвэл Энэтхэгийн Засгийн газар тун нарийн арга олж, хуучин машиныг үгүй хийхээр болжээ. Хураан авч болохгүй юм бол цэнэглэхийг нь хориглож болно. Энэ сарын 31-нээс эхлээд юуны өмнө нийслэл хотод дизель хөдөлгүүртэй машин 10 жил, бензин машин 15 жилээс дээш настай бол цэнэглэхийг шатахуун түгээгүүрийн газруудад хоригложээ. Тусгай камер хянаж, хиймэл оюун ухааны тусламжтайгаар машины насыг тогтооно. Ингэснээр бензингүй болсон хуучин машинууд зах зээлээс шахагдан гарч, устана гэж Энэтхэгийн Байгаль орчны яам үзэж байгаа ажээ.
