Apple компани Siri-ийн хиймэл оюуны хөгжүүлэлтийг 2026 он хүртэл хойшлууллаа

Apple компани Siri-ийн хиймэл оюун ухааны шинэчлэлтүүдийг 2026 он хүртэл хойшлуулсан тухай мэдээлжээ.

Эдгээр шинэчлэлтүүд нь хэрэглэгчийн контекстыг илүү сайн ойлгох, олон төрлийн аппликейшн дотор үйлдлүүдийг гүйцэтгэх зэрэг боломжуудыг агуулдаг байсан бөгөөд 2025 онд гарах байсан юм. Apple компани энэхүү хөгжүүлэлтээ хойшлуулж буй шалтгаанаа тодорхой хэлээгүй байна.

Энэхүү хойшлуулалт нь Apple-ийн өрсөлдөгч Google болон Amazon-тай хийж буй AI хөгжүүлэлтийн өрсөлдөөний үйл явцыг удаашруулж магадгүй хэмээн таамаглаж байгаа аж.

Apple Intelligence нэртэй хиймэл оюун ухааны багцыг танилцуулсан ч, зарим шинжээчид энэ нь “амжилтгүй эхлэл” болсон гэж дүгнэж байна. Үүнээс гадна, Apple компани Broadcom-тай хамтран өөрсдийн AI чипүүдийг хөгжүүлэхээр ажиллаж байгаа бөгөөд эдгээр чипүүдийг 2026 онд үйлдвэрлэхээр төлөвлөжээ. Энэ нь компанийн AI хөгжүүлэлтэд хэдий чинээ анхаарал хандуулж буйг илтгэж байна.