Непал улсын иргэд хаант засаглалтай болохыг шаарджээ
Ням гарагт Непал улсын нийслэл Катманду хотод олон мянган иргэд хуучин хаанаа угтан авч, түүний халагдсан хаант засаглалыг сэргээж, Хинду шашныг төрийн албан ёсны шашин болгохыг шаарджээ.
Гянендра Шахыг Непалын баруун хэсэгт айлчлал хийх үед 10,000 орчим дэмжигчид Катмандугийн Трибхуван олон улсын нисэх онгоцны буудлын гол хаалгыг хаажээ.
“Хааны ордныг хаанд өг. Хаанаа эргэж ирээрэй, эх орноо авраач. Бидний хайрт хаан урт наслаарай. Бид хаант засаглалыг хүсэж байна” гэх мэтээр олон иргэд дэмжсэн байна. Тухайн үед олон зуун цагдаа нар жагсагчдыг нисэх онгоцны буудал руу нэвтрэхийг хориглосон бөгөөд ямар нэгэн хүчирхийлэл гараагүй байна.
2006 онд гудамжны томоохон эсэргүүцлийн жагсаал Гянендраг хаант засаглалаасаа буухад хүргэсэн бөгөөд хоёр жилийн дараа парламентын зүгээс Непал улсыг хаант засаглалыг халсан юм.
Гэвч Непал улсын олон хүн бүгд найрамдах улс улс төрийн тогтвортой байдлыг авчирч чадаагүй хэмээн бухимдаж, эдийн засгийн уналт, өргөн хүрээтэй авлига их байгаад парламентын засаглалыг буруутгаж байгаа аж. 2008 онд хаант засаглалыг халснаас хойш тус улсад нийт 13 засгийн газар ажиллажээ.
Жагсаалд оролцогчид улс орныг улам дордуулахаас сэргийлэхийн тулд улс төрийн тогтолцоог өөрчилнө гэж найдаж байгаагаа илэрхийлжээ.Гьянендра хаант засаглалыг эргүүлэн авах уриалгын талаар ямар нэгэн тайлбар хийгээгүй байна. Хэдийгээр хуучин хааныг дэмжсээр байгаа ч Гянендраг тэр даруй засгийн эрхэнд эргэн ирэх боломж бага байгаа аж.
