Их Британи улс цэргийн зориулалттай хиймэл дагуул бүтээнэ
Их Британийн Батлан хамгаалах яам хоёрдугаар сарын 10-нд Airbus компанитай 127 сая фунт стерлинг буюу 157 сая ам.доллараар үнэлэгдэх Оберон нэртэй хос хиймэл дагуулыг бүтээх гэрээ байгуулснаа зарлалаа.
Гэрээнд SAR-ийн даацаар тоноглогдсон 400 кг жинтэй хос хиймэл дагуул бүтээх ажил багтжээ. Airbus нь хиймэл дагуулуудыг Их Британи дахь сансар судлалын байгууламжууд дээр барихаар төлөвлөжээ. Мөн Британийн Oxford Space Systems компани радарын дохиог дамжуулах, хүлээн авах зорилгоор ашиглагдах антенуудыг үйлдвэрлэх гэнэ.
Оберон нь ISTARI хэмээх сансрын зэвсэглэлийн томоохон санаачилгын нэг хэсэг бөгөөд тагнуулын хиймэл дагуулыг бүтээхэд зориулж 986 сая фунт стерлингийн өртөгтэй. Энэхүү систем дэх анхны сансрын хөлөг болох Tyche нэртэй оптик дүрслэлийн хиймэл дагуул нь 2024 оны 8-р сард SpaceX-ийн rideshare нислэгээр хөөргөсөн байна.
Их Британийн Сансар судлалын командлалын тэргүүн, хошууч генерал Пол Тедман мэдэгдэлдээ “Оберон нь манай ISTARI одны ордны Tyche болон бусад хиймэл дагуулуудын хамт сансар огторгуйгаас ямар ч цагт агаарын бүсэд юу болж байгааг ажиглах боломжийг бидэнд олгоно. “Энэ нь Их Британи болон холбоотнуудын дэлхий даяар цэргийн ажиллагааг идэвхжүүлж болзошгүй аюулаас сэргийлэх болно” хэмээн мэдэгджээ.
Airbus Defence and Space U.K.-ын дарга Бен Бридж “Обероны хиймэл дагуулууд нь Их Британид нэн шаардлагатай сансрын аюулгүй байдал, сансрын хяналт, тагнуулын бие даасан байдлыг ихээхэн нэмэгдүүлэх болно” гэж нэмж хэлэв.
Оберон хиймэл дагуулыг 2027 онд хөөргөж 2031 он гэхэд ISTARI одны ордыг бүрэн бүрдүүлнэ гэж төлөвлөж байгаа ч хиймэл дагуулын тоо, төрлүүдийн талаар тодорхой мэдээлэл өгөөгүй байна.
