Бизнес

Биткойны ханш унаж эхэлжээ

Bitcoin tokens and a price chart are seen in this illustration picture taken November 21, 2024. REUTERS/Remo Casilli/Illustration/File Photo

Доналд Трампын татварын мэдэгдэлтэй холбоотой хөрөнгө оруулагчдыг сандаргаж буй өнөө үед даваа гаригийн өглөө криптовалютуудын ханш өгнөрсөн оны есдүгээр сарын эхэн үеэс хойших хамгийн доод түвшин рүү уналаа.

Дэлхийн хамгийн алдартай криптовалют болох биткоины ханш даваа гаргийн өглөө Азид 94.476 ам.доллар болсноор сүүлийн гурван долоо хоногийн доод түвшинд хүртлээ унасан байна. Мөн эфириумийн ханш 24 орчим хувиар унаж, хамгийн сүүлд есдүгээр сарын эхэн үеийн түвшиндээ хүрсэн байна.

Өнгөрсөн амралтын өдрүүдэд АНУ-ын Ерөнхийлөгч Дональд Трамп Мексик болон Канадын ихэнх импортын бараанд 25 хувийн татвар, Хятадын бараанд 10 хувийн татварыг мягмар гаргаас эхлэн ногдуулах шийдвэр гаргасан юм. Америкийн худалдааны хоёр гол түнш болох Канад, Мексик улсууд хариу арга хэмжээ авахаа мэдэгдсэн бол Хятад улс Дэлхийн худалдааны байгууллагад гомдол мэдүүлэхээр шийдвэрлэжээ. 

Нэгдүгээр сарын 20-нд Д.Трамп АНУ-ын 47 дахь ерөнхийлөгчийн хувиар тангараг өргөх үед биткоины ханш 107 071 ам.долларт буюу түүхэн дээд үзүүлэлтэд хүрч байлаа. Түүний засаг захиргаа криптовалютад ээлтэй зохицуулалт хийж магадгүй байгаа учраас 11 дүгээр сарын эхээр болсон сонгуулиас хойш биткоины ханш 40 хувиар өссөн байна. Өмнө нь криптовалютыг “луйвар” гэж нэрлэж байсан Д.Трамп сонгуулийн сурталчилгааныхаа үеэр АНУ-ыг “дэлхийн крипто нийслэл”болгоно гэж амлаж байв.

Холбоотой мэдээнүүд

Back to top button