Түмэн Шувуут ХК 2024 онд 143.8 сая ширхэг өндөг үйлдвэрлэжээ

Түмэн Шувуут ХК-ийн танилцуулсан 2024 оны үйл ажиллагааны тайланд дэгдээхэйн 2 байр, өндөглөгч тахианы 4 байр нь бүрэн баригдаж, үйлдвэрлэл явуулах бэлтгэлээ хангаад буйг дурджээ.

Тус компани 2024.12.04-нд “Түмэн шувуут-3” аж ахуйн дэгдээхэйн 1 байрыг ашиглалтад оруулж, 50 мянган дэгдээхэйг хүлээн авсан байна. 

Мөн “Түмэн шувуут” ХК-ийн Гүйцэтгэх захирал Ж.Болд, 2024 онд 143.8 сая ширхэг өндөг үйлдвэрлэснээ мэдээлжээ. Үйлдвэрлэл ийнхүү нэмэгдсэн учраас өндөгний цаасан үүрийг гадаадаас импортолж эхэлснээ тодотгосон байна.

Мөн ОХУ-аас худалдан авдаг тэжээлийн түүхий эдийн нийлүүлэлт доголдох эрсдэлээс сэргийлэн БНХАУ-аас зарим түүхий эдийг авахын зэрэгцээ дотоодоос нөөц бүрдүүлэх арга хэмжээ авч буйгаа онцолжээ.