SpaceX дахин сансарт хувийн сансрын нисгэгчдийг хөөргөнө
SpaceX компани “Falcon 9” пуужин болон Crew Dragon капсулыг ашиглан Олон улсын сансрын станц (ОУСС)-руу дахин хоёр хувийн сансрын нисгэгч илгээх гэрээнд гарын үсэг зурлаа.
Нислэгүүдийг Калифорнийн “Vast Space” компани захиалсан бөгөөд ирэх жилээс тойрог замд хүрэх боломжтой “Haven-1” нэртэй хувийн сансрын станцыг “Falcon 9” хөлөг дээр гаргасан байна.
Vast Space-ийн гүйцэтгэх захирал Макс Хаот мэдэгдэлдээ “(ОУСС)-д даацын ачаалал болон багийн гишүүдийн нислэгийг идэвхжүүлэх нь Vast-ийн стратегийн гол хэсэг бөгөөд НАСА болон дэлхийн сансрын агентлагуудтай хамтран ажиллах боломжийг олгодог” гэж мэдэгджээ.
Эдгээр нь сансрын нислэгийн үйл ажиллагаа, НАСА-тай хамтран ажиллах туршлагаа бэхжүүлээд зогсохгүй, Вастыг ОУСС-д дараагийн үеийн залгамжлагчийг хүргэх,сансрын хайгуулын ирээдүйг урагшлуулах тэргүүлэгч өрсөлдөгч болж байна” гэж Хаот нэмж хэлэв.
НАСА уг нислэгүүдийг дэлхийн доод тойрог замын арилжааны хөтөлбөрөөр сонгож Haven-1-ийн илүү том, илүү дэвшилтэт хувилбар болох Haven-2 загвараар тойрог замд орохоор байна. Хейвен-2-ын анхны модуль нь ОУСС-ын ашиглалтын хугацаа дуусахаас өмнө буюу 2028 он гэхэд дэлхийн нам дор тойрог замд ажиллаж эхлэх боломжтой гэж тус компани мэдэгджээ.
Одоогийн байдлаар НАСА нийт дөрвөн PAM нислэгийн зөвшөөрлийг олгосон бөгөөд гурван нислэгийг Хьюстонд төвтэй Axiom Space компанийн техник хангамжийн тусламжтай хөөргөсөн байна. Ирэх хавар “Ax-4” нэртэй дөрөв дэх онгоцоо хөөргөхөөр төлөвлөж байна.
SpaceX-ийн үйл ажиллагаа хариуцсан захирал Гвин Шотвелл “Vast-тай хамтран ажиллахдаа баяртай байна. Учир нь тэд илүү олон хүмүүсийг оддын дунд аялах боломж, чиглэлийг бий болгож байна” хэмээн мэдэгджээ.
