2024 онд гарсан хамгийн шилдэг 10 бүтээл
Технологийн салбар бидний төсөөлснөөс ч хурдацтайгаар хөгжиж байна. Үүнийгээ дагаад бидэнд дэлхий нийтийн хөгжил дэвшилтэй хөл нийлүүлэн алхах хэрэгцээ шаардлага тулгарсаар. Тэгвэл манай сайтын зүгээс 2024 онд шинээр гарсан технологийн хамгийн шилдэг 10 бүтээлийг онцлон танилцуулж байна.
1. Huawei Mate X-T
Huawei Mate X-T нь уян дэлгэц буюу эвхэгддэг гар утасны зах зээлд нэгэн том дэвшлийг гаргасан. Сайжруулсан OLED дэлгэц нь уг утсыг маш бат бөх болгосон. Үйлдлийн систем, үзүүлэлтийн хувьд ч өндөр гүйцэтгэлтэй бөгөөд гаднах үзэмжийн хувьд гоёмсог дизайнтай. Халаасандаа авч явахад төвөггүй, эвхээд л болоо. Харин шаардлагатай бол утсаа гаргаж ирж дэлгээд таблет хэрэглэж болно.
Huawei нь энэ зах зээлд тэргүүлж, илүү олон үйлдэл хийх боломжтой болжээ. Ингэснээр контент бүтээгчид, медиа хэрэглэгчдэд хэрэглэхэд олн давуу талтай болж, ирээдүйн ухаалаг утасны загварт томоохон дэвшил болж байна.
2. Samsung Galaxy Z Fold 6
Samsung Galaxy Z Fold 6 нь ухаалаг гар утасны зах зээлд томоохон шинэчлэл хийсэн бүтээл байсан. Энэ утас нь нугардаг дэлгэцтэй, өөрөө хэлбэл хоёр дэлгэцтэй. Гадна тал нь жижиг, дотор тал нь том дэлгэцтэй. Гадна дэлгэц нь өдөр тутмын хэрэгцээг хангаж, харин дотоод дэлгэц нь олон үүрэг зэрэг гүйцэтгэхэд тохиромжтой.
Snapdragon 8 Gen 3 чипсет, 12GB RAM нь өндөр гүйцэтгэлтэй, олон програм зэрэг ажиллуулах боломжтой. 50MP гол камер, 12MP өргөн өнцөг, 10MP хүртэл татах чадвартай камер нь өндөр чанартай зураг авах боломжийг бүрдүүлнэ. Мөн 4,400 мАч батерей нь бүх өдөржин хангалттай цэнэгээ барина. 25W хурдан цэнэглэх чадвар нь таны цаг хугацааг ч хэмнэнэ.
Дизайн нь илүү бат бөх, нугалааны зураас багассан, хурдан нээж хаах hinge механизмтай. 5G болон Wi-Fi 6E өндөр хурдтай интернэт холболттой болгодог. Galaxy Z Fold 6 нь ухаалаг утасны шинэ стандарт болж, хэрэглэгчдэд том дэлгэц дээр ажиллах болон амьдралын бүхий л мөчийг тань хялбаршуулах боломжийг олгодог.
3. Google Pixel Fold 2
Google Pixel Fold 2 нь Google-ийн хоёр дахь нугардаг утас бөгөөд Pixel цувралыг шинэ шатанд гаргасан нэгэн шилдэг төхөөрөмж юм. Өмнөх загвараас илүү хүчирхэг болсон нь тухайн үеийн хэрэглэгчдийн хүссэн бүхнийг агуулж байгаа. Хоёр дэлгэцтэй, гадаад дэлгэц нь 5.8 инч, дотоод дэлгэц нь 7.6 инчийн том харууцтай OLED дэлгэцтэй, ашиглахад хялбар бүтээгдэхүүн. Pixel Fold 2-ийн Tensor G3 чипсет нь өндөр хурдаар ажилладаг, 12GB RAM нь олон үүрэг зэрэг гүйцэтгэхэд ямар ч саадгүй. Камерын хувьд, 50MP гол камер, 12MP өргөн өнцөг болон 10.8MP хүртэл татах чадвартай камер нь хамгин өндөр чанартай зураг авахад тань тусална. Google-ийн AI болон computational photography технологиуд нь гэрэл багатай нөхцөлд ч гэсэн гайхалтай зураг авдаг. Түүнчлэн, Pixel Fold 2 нь илүү бат бөх Ultra Thin Glass дэлгэцтэй, нугалааны асуудал багассан. Батерей нь өдөр тутмын хэрэглээнд хангалттай, 30W хурдан цэнэглэлт болон 15W утасгүй цэнэглэлт дэмждэг. Энэ утас нь Pixel брэндийн туршлагыг нугардаг дэлгэцтэй холбож, хэрэглэгчдэд шилдэг шийдлийг санал болгох шинэ үеийн утас болжээ.
4. Starlink (SpaceX)
SpaceX Starlink нь дэлхийн өнцөг булан бүрт хурдтай, найдвартай интернетийн үйлчилгээ үзүүлэх зорилготой бүтээл юм. Энэ сүлжээ нь олон сансрын хиймэл дагуул ашиглан, газар дээрх интернет холболтгүй, эсвэл сул холболттой бүс нутагт түргэн интернэт хүргэх боломжийг олгодог. Эдгээр хиймэл дагуул нь LEO (Low Earth Orbit) буюу газрын гадаргаас 500-2,000 км-ийн зайд байрлаж, өндөр хурдтай интернетийг ашиглах боломжийг олгодог.
Starlink нь дэлхий даяар 1,000 гаруй хиймэл дагуултай бөгөөд энэ тоо улам нэмэгдсээр байгаа. Сүлжээ нь хэрэглэгчдэд илүү хурдтай, бага хүлээлттэй интернет холболтыг санал болгох зориулалттай. Газар доорх кабельгүй орон нутгуудад, ялангуяа манай улсын хөдөө, хээр тал, алслагдсан бүсүүдэд интернетийн хязгаарлагдмал үйлчилгээтэй хүмүүст маш хэрэгтэй төхөөрөмж юм.
Хэрэглэгчид Starlink терминал ашиглан өөрийн орон нутагт холболтоо бий болгож, өндөр хурдны интернэт ашиглах боломжтой. 100-200 Мбит/с хурд нь видео үзэх, тоглоом тоглох, ажиллах гэх мэт бүх төрлийн үйлдлийг хийхэд хангалттай. SpaceX Starlink нь интернетийн салбарт төгс шийдлийг санал болгож, хөдөө орон нутгийн хэрэглэгчдэд ч тав тухтай холболтыг боломжтой болгосноор дэлхийн өнцөг булан бүрт интернетийн хамаарлыг өргөжүүлж байна.
5. Nvidia GeForce RTX 5000 Series
Nvidia GeForce RTX 5000 Series нь шинэ үеийн компьютерийн график картыг танилцуулсан. Энэ цуврал нь Ada Lovelace архитектур дээр суурилсан бөгөөд Ray Tracing болон DLSS 3.0 (Deep Learning Super Sampling) технологиудыг дэмжиж, тоглоом тоглох, график засварлах, видеон дээр ажиллах зэрэгт илүү хүчирхэг, бодит байдлын өндөр түвшинд шилжүүлсэн. RTX 5000 Series нь багтаамж болон график хурд үзүүлэлтүүдийг сайжруулж, өндөр нарийвчлалтай графиктай тоглоомууд, VR, бүтээмжийн өндөр ачаалалтай программ хангамжид тохиромжтой.
Энэхүү цувралын RTX 5090 болон RTX 5080 зэрэг картууд нь хамгийн сүүлийн үеийн CUDA болон Tensor-ыг ашиглан олон үүрэг зэрэг гүйцэтгэх чадвартай. Түүнчлэн, шинэ Video Codec технологиуд болон 8K видео боловсруулах зэрэг нь мэргэжлийн контент бүтээгчдэд өндөр чанартай зураг, видео боловсруулах нөхцөлийг бүрдүүлнэ. RTX 5000 Series нь тоглоомчдын хувьд гүйцэтгэлийг төдийгүй бүтээмжийн салбарт ч хувь нэмэр оруулж байна.
6. Samsung Neo QLED 8K TV
Samsung Neo QLED 8K TV нь дэлгэцийн технологийн ирээдүйг тодорхойлж буй телевизор бөгөөд 8K нарийвчлал болон Neo QLED технологийн дэвшлийг нэгтгэсэн. Энэ телевизор нь Quantum Mini LED дэлгэцийн технологийг ашиглан, илүү нарийн гэрэлтүүлэг, нарийвчлалтай дүрсийг ч тод томруунаар харах боломжийг олгосон. 8K нарийвчлал нь дэлгэц дээр гарч буй бүх зүйлийг гайхалтай өнгөлөг болгон харуулдаг. Тэр байтугай хамгийн жижиг детайлыг ч таны нүдэнд тодоор харуулж чадна. Үүний ачаар та кино, тоглоом, видеог хамгийн өндөр чанартайгаар үзнэ гэсэн үг.
Samsung Neo QLED 8K TV нь AI upscaling технологийг ашиглан, 4K болон 1080p контентыг ч 8K чанартай болгох чадвартай. Object Tracking Sound Pro нь дүрсийг даган, дуу авиаг хөдөлгөөнт зүйлсийн орчинд зохицуулдаг тул илүү бодит дуу чимээ гаргаж, гэртээ кино театрт байгаа юм шиг мэдрэмжийг авна. Харин Tizen OS нь ухаалаг функцууд, олон төрлийн аппаар дамжуулан хялбар ашиглах боломжийг бүрдүүлнэ. Samsung-ийн энэ бүтээгдэхүүн нь зургийн чанар, дууны гүн, дизайн дээрх хамгийн дээд түвшний технологиудыг агуулж байна.
7. Apple Vision Pro
Apple Vision Pro нь Apple-ийн хамгийн сүүлийн үеийн технологиор бүтээгдсэн VR/AR төхөөрөмж бөгөөд хэрэглэгчдэд виртуал болон бодит байдлын орон зайг нээх шинэ боломжуудыг санал болгодог. Энэ төхөөрөмж нь 130 инчийн дэлгэцийн хэмжээ бүхий дэлхийд хамгийн өндөр нарийвчлалтай Micro-OLEDдэлгэцээр тоноглогдсон, 4K гаруй пикселийн нягтралтай, хүссэн мэдээллийг хамгийн тод, бодит байдлаар үзүүлэх чадвартай.
Vision Pro нь Apple M2 чип болон R1 чип-тэй, өндөр хүчин чадалтай. Spatial audio технологи болон 3D камер-ийн тусламжтайгаар хэрэглэгчийн орчинг бүрэн бүрдүүлж, бодит дуу, дүрсийг мэдрэх боломжийг олгоно. Дэлхийтэй холбогдож, зөвхөн хурууны хөдөлгөөнөөр эсвэл нүдээрээ удирдаж, нээх, хаах зэрэг үйлдлүүдийг хийж болно.
Apple Vision Pro нь технологийн шинэ хязгаар, хэрэглэгчдийн гар дээр очих бүтээгдэхүүний чанарг нэг шат ахиулсан бөгөөд мэдрэхүйд суурилсан орчин үеийн хэрэглээний ирээдүйг цаашдын ирээдүйг дэлхий нийтэд таниулж байна.
8. DJI Mavic 3 Pro
DJI Mavic 3 Pro нь дрон үйлдвэрлэгчийн хамгийн сүүлийн үеийн, хүчирхэг загвар бөгөөд мэргэжлийн кино зураг, агаарын зураглал хийхэд төгс тохирно. Энэ дрон нь 4/3 CMOS сенсортой, 20MP камер болон 7x хүртэл татах чадвартай дижитал камер, гайхалтай нарийвчлалтай зураг авах боломжийг олгодог. 4K видео-г 120fps хурдтай хурдасгаж, 5.1K видео нь шилдэг дүрс авах боломжийг таньд олгоно. Мөн Hasselblad брэндийн хамтран бүтээсэн камер нь өнгө, тод байдалд өндөр стандарт тавьсан.
Mavic 3 Pro нь агаарт 46 минутын турш нисэж чаддаг ба 15 км хүртэл хол зайд нисэх боломжтой. Мөн өндөр нарийвчлалтай Omnidirectional sensors-тай, эдгээр нь дронг осолгүйгээр аюулгүй нисэхэд тусалдаг. APAS 5.0 систем нь саад бэрхшээлээс зайлсхийх боломжийг олгодог. Энэ нь дрон ашиглах мэргэжилтнүүд, контент бүтээгчид болон аялал жуулчлалын зориулалтаар хамгийн тохиромжтой, хүчирхэг төхөөрөмж болсон.
9. LG Signature OLED T (88 инч)
LG Signature OLED T нь телевизийн технологийн ирээдүйг тодорхойлж буй бүтээл бөгөөд OLED дэлгэцийн гайхамшигт чанарыг хамгийн шилдэг хэмжээнд хүргэжээ. Энэ нь zero bezel дизайнтай, хөнгөн, маш нимгэн, өндөр чанартай материалаар бүтээгдсэн бөгөөд гэрийн интерьерт гайхалтай зохицож, орон зайг ухаалгаар ашиглахад тань тусална.
LG Signature OLED T нь 8K нарийвчлалтай OLED дэлгэцтэй, хамгийн өндөр нарийвчлалтай зураглалыг таньд үзүүлнэ . AI Picture Pro болон Dolby Vision IQ технологиуд нь зураг, өнгө, гэрлийг орчны нөхцөлд тохируулан хамгийн бодитой дүрсийг үзүүлнэ. Мөн Dolby Atmos дууны технологи нь кинотеатрын дуу чимээг гэрт тань авчирдаг.
Энэхүү телевиз нь webOS үйлдлийн системээр ажиллаж, ухаалаг функцууд, аппликейшн ашиглан хялбар удирдахад тохиромжтой. LG Signature OLED T нь зургийн чанар, дууны чанар, дизайны төгс хослолтой, түүгээрээ хэрэглэгчийн мэдрэх мэдрэмжийг илүү амттай болгоно. Өөрөөр хэлбэл таны гэр энтертэйнмент төв болох ч боломжтой гэсэн үг.
10. ChatGPT 4.0
ChatGPT 4.0 нь OpenAI-ийн хөгжүүлсэн хамгийн сүүлийн үеийн хиймэл оюун ухааны загвар бөгөөд өмнөх хувилбаруудаас илүү өндөр гүйцэтгэлтэй, олон талт болсон. Олон төрлийн, нарийн төвөгтэй асуултуудад өмнөөхөөсөө ч илүү ухаалаг, ойлгомжтой хариулт өгөх чадвартай болсон. GPT-4 нь томоохон текст өгөгдлүүд дээр суурилсан бөгөөд хүний хэлний нарийн төвөгтэй байдлыг ойлгож, бичгийн ур чадвар болон сэтгэн бодох чадвартай болжээ.
Мөн, мультимедиа-г ойлгох, зургийн бичлэгүүдийг тайлбарлах, бага хэмжээний кодын алдааг засах зэрэг шинэлэг боломжууд нэмэгдсэн. Хамгийн гол нь, ChatGPT 4.0 нь хэрэглэгчийн хүсэл, сонирхолд илүү сайн тохирсон, тодорхой, бэрхшээлгүй хариултуудыг өгдөг болсон.
Энэ нь хэлний, бүтээмжийн болон мэдээллийн агуулгын салбарт томоохон хувьсгал авчирч, хэрэглэгчийн туршлагыг илүү ухаалаг, үр өгөөжтэй болгоход тусалдаг.
