Thunder-ийн гол хөзөр Исаиа Хартенштейн
Чет Холмгрен тоглолтонд оролцохгүй байгаа тул Айзея Хартэнштэйн OKC-ийн урд шугамын талбайн орон зайг хангалттай хэмжээнд нөхөж байна.
Чет Холмгренгүй Оклахома Сити Тандер багийн урд талбайн хамгаалалт Айзея Хартенштейний гайхалтай тоглолтын ачаар санаа зовох зүйлгүй болжээ.
Тэрээр Оклахома Ситид чамлахааргүй амжилт үзүүлж, таван тоглолтод бүгдэд нь дабл-дабль хийсэн. Хамгийн гол нь тэрээр Оклахома Сити сүүлийн таван тоглолтын дөрөвт нь ялж, баруун бүсийн тэргүүн байрыг эзлэхэд тусалсан.
Гараа хугалаад, тооцоолж байснаас долоо хоногийн өмнө эргэн ирсэн Хартэнштэйн энэ улиралд 15.2 оноо, 13.8 самбар, 1.8 хаалт дунджилж байна.
Тэрээр 2023-24 оны улиралд Никсийн хамтаар үзүүлсэн амжилтаа Шэй Гилжес-Александраар удирдуулсан ОКС-д ахиулан биелүүлэх боломжтой гэдгээ харуулсаар байна .
7 фут өндөртэй Герман тамирчин карьерынхаа дээд амжилтыг ахиулж, лигт хамгаалалтаараа гайхагдаж байна. Оклахома Сити одоогоор бөмбөг таслалтын үзүүлэлтээрээ лигийг тэргүүлж байгаа юм.
Эргэн ирснээсээ хойш Хартэнштэйн OKC-д 15-5 гэсэн амжилттай явж байна. Төвийн байрлал дахь түүний тогтвортой байдал нь Холмгренээс дутахааргүй статусыг үзүүлж багийн цаашдын амжилтын гол хөзөр болно хэмээн аналистууд харж байна.
