OpenAI дэлхийн хамгийн анхны веб домэйнуудын нэг Сhat.com-ийг худалдан авчээ

OpenAI компани дэлхийн хамгийн анхны вэб домэйнуудын нэг болох Chat.com-ийг худалдан авчээ. Тус домэйн нэр нь 1996 оны есдүгээр сард бүртгэгдэж, хэрэглээнд нэвтэрсэн бөгөөд өнгөрсөн жил HubSpot компанийн үүсгэн байгуулагч Дармеш Шах 15.5 сая ам.доллароор худалдан аваад байсан юм. Улмаар эргүүлэн зарах гэж байгаа тухайгаа тэрбээр энэ оны эхээр өөрийн Х хаяг дээрээ зарлаж байв.

Энэхүү арилжааг бэлэн мөнгөөр биш, харин OpenAI компанийн хувьцаагаар хийсэн ба хэлцлийн дүнг тодорхой зарлахаас талууд татгалзсан байна. Одоо Chat.com домэйнээр нэвтрэхэд ChatGPT системийн вэб сайт руу хандаж байгаа ажээ.