WNBA-ын шинэхэн аваргууд Нью Йорк Либерти
Хойд Америкийн үндэсний сагсанбөмбөгийн холбооны эмэгтэйчүүдийн лиг шинэхэн аваргуудаа өлгийдөн авлаа. 2024 оны WNBA плейоффын ширүүхэн өрсөлдөөн дундаас “Нью-Йорк Либерти” цойлон аваргын титмээ хүртлээ. Энэ нь тус багийн түүхэндэх анхны аваргын цом юм.
“Нью-Йорк Либерти” улирал давахад зөв стратеги, эрч хүчтэй тоглогчдынхоо ачаар финалд “Минесота Линкс” багийг буулган авсан бөгөөд цувралын шийдвэрлэх тав дахь тоглолтонд нэмэлт цагт 62-67-ын харьцаатай ялалт байгуулсан юм. Тус багийн од, Жонкуэл Жонс финалын MVP шагналыг хүртсэн.
Аварга болсон “Нью-Йорк Либерти” ирээдүйн улиралд ч амжилтаа үргэлжлүүлэхийн төлөө бэлтгэл хийх болно. Багийн удирдлага залуу тоглогчдыг хөгжүүлэх, мэргэжлийн ур чадварыг нэмэгдүүлэх чиглэлээр анхаарч, талбай дээрээ илүү сайн нөлөө үзүүлэхийг зорьж байна гэв.
