GALAXY S25-ТАЙ ХҮЧТЭЙ ӨРСӨЛДӨХҮЙЦ VIVO X200

Vivo X200 цуврал гарах гэж байна. Өнөөдөр Vivo анхны цуврал сурталчилгааны видеогоо гаргаж, эдгээр утсыг гайхалтай харагдуулахын тулд хичнээн их ажил хийснийг харуулсан.

Android Headlines-ийн дагуу утаснууд нь металл болон шилээр хийгддэг. Арьсан хувилбар ч гаргах боломж бас бий хэмээн мэдэгдсэн. Гурван загвар нь адилхан харагддаг ч Vivo X200 Pro Mini нь камерын хэлбэр нь өөр учраас бусдаас ялгардаг. X200 болон X200 Pro хоёулаа зэрэгцүүлэн байрлуулсан байдаг бол Pro Mini нь камеруудаа ромб хэлбэртэйгээр байрлуулдаг.

Видео болон сурталчилгаанаас харахдад хар, хөх, саарал, цагаан гэсэн гоёмсог дөрвөн өнгөний сонголттой, нимгэн загварууд гарж байгаа. Цэнхэр өнгө нь доод хэсгээрээ долгионы хээтэй нь бусад загвараасаа илүү онцгой, хэрэглэгчдийн анхаарал татаж байгаа аж.

Vivo X200 Pro нь Samsung Galaxy S25-ийн хүчтэй өрсөлдөгч. GSMArena-ийн мэдээлснээр X200 нь 570 доллар, X200 Pro Mini нь 655 доллар, X200 Pro нь 740 доллараас эхэлнэ.

Vivo X200 Ultra нэртэй дөрвөн загвар байгаа бөгөөд энэ нь бидэнд үнэ гараагүй байгаа ч 2025 он хүртэл худалдаанд гарах магадлал бага байна.