Mercedes-Benz BYD компаниуд хамтын ажиллагаагаа зогсоолоо
Арав гаруй жил хамтран ажилласны эцэст Mercedes-Benz түнш BYD-тэй албан ёсоор хамтын үйл ажиллагаагаа зогсоож байгаагаа мэдэгдлээ. Mercedes-Benz Denza брэндийн сүүлийн 10%-ийг худалдсан гэж Automotive News Europe мэдээлэв. Нэгэн цагт 50-50 хувьтай хамтран ажиллаж байсан BYD нь өдгөө Shenzhen Denza New Energy Automobile Co., Ltd-ийг 100% өөрийн болгосон. 2010 онд эхлүүлсэн бизнесийн хамтрал ийнхүү дуусгавар болж байна.
Denza нь Германы тансаг хэрэглээ болон Хятадын цахилгаан ноу-хауг нэгтгэх санаагаар бүтээгдсэн бөгөөд 2012 онд Бээжингийн авто шоунд анхны концепцоо харуулсан. Энэ нь BYD-ийн e6 цахилгаан хөдөлгүүртэй Мерседес В ангиллын платформыг хослуулсан хачирхалтай машин байв. Тэр цагаас хойш Denza 400, Denza 500 зэрэг цөөн хэдэн загвар үйлдвэрлэсэн.
Denza Porsche, Teycan зэрэг өндөр зэрэглэлийн өрсөлдөгчидтэй өрсөлдөхүйц тэргүүлэгч цахилгаан тэрэг болох цоо шинэ Z9 GT-ийг 9-р сарын 20-нд албан ёсоор худалдаанд гаргасан. Z9 GT нь гурван мотороос 710 кВт чадалтай, аюулгүй байдал, үр ашигтай гэдгээрээ алдартай, мөн BYD Blade батерейтай гэдгээрээ онцлог. Уг машин нь Европт туршилтын явцад Porsche Panamera, Ferrari GTC4Lusso зэрэг өндөр зэрэглэлийн загваруудтай харьцуулагдаж байсан.
Mercedes-Benz түншлэлээ дуусгахаар болсон шийдвэр нь санхүүгийн стратегтэй холбоотой байж магадгүй юм хэмээн мэргэжилтнүүд таамаглаж байна. Учир нь Европ Хятад цахилгаан автомашины (EV) тарифыг нэмэгдүүлэхээр төлөвлөж байгаа энэ үед Mercedes-Benz алдагдлаа бууруулж байж болох юм.
Сонирхолтой нь, Denza брэнд сүүлийн жилүүдэд багагүй шинэчлэгдсэн. Mercedes-Benz энэ брэндийн чиг хандлагад сэтгэл дундуур байгаагаа илэрхийлсний дараа 2021 онд бүтцийн өөрчлөлт хийхдээ сүүлийн хоёр жилийн дотор зах зээлд гарсан дээд зэрэглэлийн цахилгаан болон залгадаг хайбрид автомашинуудад анхаарлаа хандуулсан.
Mercedes-Benz “тоглоомноос” гарснаар Denza урагшлуулах нь BYD-ээс шалтгаална, ялангуяа Z9 GT тансаг зэрэглэлийн EV зах зээлд гарахад бэлэн болсон энэ үед. Энэ нь Porsche жинхэнэ өрсөлдөгч болох эсэх нь тодорхойгүй хэвээр байгаа ч BYD энэ сорилтыг даван туулахад бэлэн байгаа бололтой.
