Маш олон технологиуд гарч ирж байгаа энэ үед үүнтэй хөл нийлүүлэн алхана гэдэг тийм ч амар биш. McKinsey Global Institute- ийн тайлан болон Pluralsight-ийн мэргэжилтнүүдийн судалгаан дээр тулгуурлан бид аж үйлдвэрийн дөрөв дэх хувьсгалыг удирдан чиглүүлэх 10 технологийн жагсаалтыг гаргав.
- Мобайл интернет
2025 он гэхэд 4.3 тэрбум хүн гар утсаараа интернетэд холбогддог болох боломжтой.
2. Хиймэл оюун ухаан
Яриа, дохио зангаа таних технологи гэх мэт үйлдүүд илүү хөгжиж, хэрэглэгчийн бүтээмжийг нэмэгдүүлэхэд туслана.
3. Виртуал болон Хосолсон ертөнц
Goldman Sachs Виртуал технологийн салбарт 2025 он гэхэд 80 тэрбум долларын зах зээл бий болгохоор зорьж байгаа бөгөөд одоогийн байдлаар ойролцоогоор 7 тэрбум доллар байгаа юм. Технологийн дэд бүтцэд томоохон шинэчлэлтүүд хийгдэж, хэрэглэгчид болон аж ахуйн нэгжүүдэд зориулсан програмуудын экосистем бүрдэх болно.
4. Үүлэн технологи
- Сүүлийн арван жилийн хамгийн том шуугиануудын нэг нь дараагийн жилүүдэд ч нөлөөлсөн хэвээр байх болно. Бараг бүх мэдээллийн технологийн үйлчилгээ, вэб программыг үүлэн сүлжээгээр дамжуулан олон аж ахуйн нэгжүүд нийтийн үүлэн сүлжээг ашиглан кибер аюулгүй байдлаа сайжруулах боломжтой.
5. Интернетийн хэрэглээ
- Одоогоор 9 тэрбум гаруй төхөөрөмж интернетэд холбогдсон байгаа бөгөөд энэ тоо ойрын арван жилд 50 тэрбумаас бараг 1 их наяд хүртэл өсөх тооцоо бий. Байгууллагууд бүтээгдэхүүн, систем, төхөөрөмж, тэр ч байтугай хүмүүсийг хянах, хамгаалах асуудалтай тулгарах болно.
6. Дэвшилтэт робот техник
- Хиймэл оюун ухаан, машины хараа, мэдрэгч, мотор, гидравлик болон материалын дэвшил нь бүтээгдэхүүн, үйлчилгээг хүргэх арга замыг өөрчилнө. Дэвшилтэт роботуудыг бүтээх, ажиллуулах, засвар үйлчилгээ хийх технологи нэг түвшин ахих болно.
7. Биометрийн технологи
- Аюулгүй байдлын мэргэжилтнүүдийн дунд явуулсан судалгаагаар 2025 онд компаниудын 72 хувь нь уламжлалт нууц үгээ хэрэглэхээс татгалзахаар төлөвлөж байгаа аж. Энэ нь нүүр, дуу хоолой, нүд, гар, гарын үсгийг таних зөвшөөрлийн шинэ үйлчилгээг бий болгоно.
8. 3D хэвлэлт
- 3D хэвлэлт нь урьд өмнө байгаагүй их хэмжээний хувийн тохиргоог хийх боломжийг олгож, 2025 он гэхэд жил бүр 230-550 тэрбум долларын эдийн засгийн үр нөлөөг бий болгож, зардлыг эрс бууруулж чадна.
9. Геномик
- Генийн инженерийн технологи нь компьютерийн ачааллах хурдыг нэмэгдүүлснээр өсөх болно. ДНХ-ийн дараалал тогтоох технологи, дэвшилтэт аналитик нь хөдөө аж ахуйн үйлдвэрлэлийг сайжруулж, чулуужсан түлшний хамаарлыг бууруулж, хүний дундаж наслалтыг уртасгах болно.
10. Blockchain
- Блокчэйн нь нарийвчилсан, найдвартай гэрээ байгуулах, гүйлгээ хийх арилжааг илүү дэвшилтэт болгоно.
