Албан тушаалтны ХАСХОМ-ийг шинэчлэн гаргуулж эхэллээ

Авлигатай тэмцэх газрын Хяналт шалгалт, дүн шинжилгээний хэлтэс энэ оны нэгдүгээр сарын 2-5-ны өдрүүдэд нийтийн албанд томилогдохоор нэр дэвшсэн 482 иргэний хувийн ашиг сонирхлын урьдчилсан мэдүүлгийг шалган, 186 мэдүүлгийг хянан шийдвэрлэжээ.

Одоогоор ажиллагаанд 296 нэр дэвшигчийн урьдчилсан мэдүүлэг хянагдаж байгаа ба албан тушаалтны 2023 оны ХАСХОМ-ийг шинэчлэн гаргуулах ажлыг улсын хэмжээнд цахим системээр дамжуулан зохион байгуулж байна.

Өнгөрсөн долоо хоногт иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 61 гомдол, мэдээллийг хүлээн авч шалгаснаас 7 гомдол, мэдээллийг хянан шийдвэрлэлээ.