Сичуань муж өв соёлоо хадгалсан метроны шугам байгуулжээ

Хятадын Сичуань мужийн Чэндү хотын анхны тойрог шугам бүхий метроны шугам тун удахгүй ашиглалтад орох нь. Тус метроны шугамны нийт урт 38.56 км бөгөөд буудлууд нь хүний анхаарал татахуйц. 

Тодруулбал, метроны шугам нь “Хотын судас-өнгөлөг Чэндү” сэдвийн хүрээнд зүүн, урд, баруун, хойд зүгт хуваагдана. Тэдгээр нь тус тусдаа хавар, зун, намар, өвөл гэсэн дөрвөн улирлын өнгө аясыг тусгасан. Түүнчлэн Чэндү хотын соёл, өв уламжлал, онцлогийг метроны буудлуудад тод томруунаар дүрслэн буулгаж, тохижуулсан байна.