"Apple" компани iOS 18.3 шинэчлэлээ нэвтрүүллээ
“Apple” компани нэг сарын турш бета хувилбарыг туршсаны эцэст iOS 18.3 шинэчлэлээ танилцууллаа. Энэ удаагийн шинэчлэлийн гол үзүүлэлтүүд нь Apple Intelligence буюу хиймэл оюун ухааны засварууд болон сайжруулалтууд юм.
Apple Intelligence-ийн мэдэгдлийн хураангуй функц нь худал, ташаа мэдээлэл түгээж, хэрэглэгчдийг төөрөгдүүлсэн асуудал гарсан юм. Харин iOS 18.3 шинэчлэлээр мэдэгдлийн хураангуй функц нь Мэдээ, Энтертайнмент ангиллын хувьд түр хугацаанд бүрэн идэвхгүй болсон байна. “Apple”-ийн мэдээлснээр тус функцийн сайжруулалт хийгдэж байгаа бөгөөд цаашид тус ангилалд дахин идэвхжүүлэх аж.
Түүнчлэн хэрэглэгчид хэвлэмэл зурагт хуудас болон зурагнаасаа эвент, үйл явдлын огноог Calendar-т нэмэх боломжтой болжээ.
Visual Intelligence интерфейсээс тухайн зурагт хуудас эсвэл сурталчилгааны зургийг авахад л Apple Intelligence нь үйл явдлын огноо, цагийг таньж, таны календарьд нэмэх юм.
Мөн Visual Intelligence нь ургамал, амьтдыг хялбархан тодорхойлох боломжтой болж байгаа байна. iOS 18.3 хувилбарыг шинэчилж буй хэрэглэгчдэд Apple Intelligence автоматаар идэвхжинэ гэж тус компани мэдэгдлээ.
