“Squid Game” цувралын гуравдугаар бүлэг энэ оны сүүлээр гарна
“Squid Game” цувралын гуравдугаар бүлгийг энэ онд гаргахаа Нэтфликс
зарлажээ
Дэлхийн стриминг үйлчилгээний хамгийн том платформ Нэтфликс компани “Squid Game”
цувралынхаа гуравдугаар бүлгийг энэ онд багтаан үзэгчдэд хүргэхээр төлөвлөж байгаагаа
өчигдөр зарлажээ.
“Юнхэ болон Чолсу. Хүүхэд насны тоглоом наадмууд дуусах хараахан болоогүй байна. “Squid
Game” цувралын гуравдугаар бүлэг 2025 онд гарна” гэж тус компани албан ёсны сошиал
хуудсандаа мэдэгдээд богино хэмжээний видео танилцуулга хавсаргасан байна.
Видео танилцуулгад уг цувралын алдарт робот хүүхэлдэй Юнхэ, хоёрдугаар бүлгийн төгсгөл
хэсэгт гэнэт ил гарч хүмүүсийг гайхшируулсан Чолсу хоёрыг дүрсэлжээ.
Арванхоёрдугаар сарын 26-нд нээлтээ хийсэн цувралын хоёрдугаар бүлэг одоо дэлхийн 93
улсын Нэтфликсийн хамгийн их үзэлттэй 10 цувралын жагсаалтыг тэргүүлж байгаа.
Найруулагч Хван Дон Хюк өмнө нь Variety сэтгүүлд ярихдаа гуравдугаар бүлэг 2025 оны зун,
эсвэл намар үзэгчдэд хүрэх магадлалтайг хэлж байжээ
