ОХУ Украины эрчим хүчний дэд бүтцэд цохилт өгч, 500 мянган хүн дулаангүй үлджээ
ОХУ Украины эрчим хүчний дэд бүтцэд цохилт өгснөөр Зул сарын баярын өдөр эрчим хүчний хангамжийг хязгаарлахад хүргэлээ.
Тус довтолгоонд 70 пуужин болон баллистик пуужин, 100 гаруй довтолгооны нисгэгчгүй онгоц оролцсон хэмээн Украины Ерөнхийлөгч Володимир Зеленский мэдэгдлээ. Харин ОХУ талаас Украины 59 нисгэгчгүй онгоцыг хэд хэдэн бүс нутагт нэг шөнийн дотор устгасан хэмээн мэдээлээд буй.
Украины эрчим хүчний сүлжээний оператор Укренерго урьдчилан сэргийлэх арга хэмжээ авч, цахилгааныг хязгаарласан байна. “Эрчим хүчний системд үзүүлэх сөрөг үр дагаврыг багасгахын тулд энэхүү алхам нь шаардлагатай” хэмээн Украины Эрчим хүчний сайд Герман Галущенко онцоллоо. Украины зүүн хэсгийн Харьков мужид оршин суугаа 500 мянган хүн дулааны хязгаарлалтад өртжээ.
