Зөрчлийн мэдээлэл өгсөн иргэнд мөнгөн урамшуулал олгоно

Иргэний өгсөн мэдээллийн дагуу зөрчилд 200 хүртэлх нэгжээр/200,000 төгрөг хүртэлх/ торгох шийтгэл оногдуулсан бол тухайн иргэнд шийтгэлийн 20%, 200-аас дээш нэгжээр торгох шийтгэл оногдуулсан 10%-тай тэнцэх хэмжээний мөнгөн урамшууллыг 2025 оны гуравдугаар сарын 1-нээс олгохоор боллоо. Тогтоолыг хэрэгжүүлэх журамд зөрчлийг мэдээлсэн иргэн, ААН-д талцал үүсгэхгүй, аюулгүй байдлыг хангаж, нууцална гэж заажээ.

E-Police программаар иргэдээс ирүүлсэн тээврийн хэрэгслийн зөрчлийг нийслэлийн прокурор, цагдаагийн байгууллага шалгаж, зөрчил гэж баталгаажвал торгууль ногдуулдаг байна.