Оскарын сүүлчийн шатанд ямар кинонууд шалгарсан бэ?
Америкийн кино урлагийн академиас Оскарын шагналын 10 төрөлд сүүлчийн шатанд шалгарсан бүтээлүүдийн жагсаалтыг мягмар гарагт танилцууллаа.
“Гадаадын шилдэг уран сайхны кино” төрөлд Бразилын найруулагч Уолтер Саллесын “I’m still here”, Францын найруулагч Жак Одиарын “Emilia Pérez”, Данийн найруулагч Магнуса фон Хорны “The Girl with the Needle”, Чехийн найруулагч Иржи Мадлагийн “Waves”, мөн Их Британи, Герман, Итали, Канад, Латви, Норвеги, Палестин, Тайландын найруулагчдын бүтээл болох 15 кино өрсөлдөж байна.
“Шилдэг хөгжим” төрөлд “Challengers”, “Conclave”, “The Wild Robot”, “Beetlejuice Beetlejuice”, “Inside Out” зэрэг кинонууд шалгарсан байна. “Шилдэг баримтат кино” төрөлд нэр дэвшигчдийн жагсаалтад “Black Box Diaries”, “Dahomey”, “Frida”, “Hollywoodgate”, “Porcelain War” зэрэг кинонууд багтжээ.
Түүнчлэн “Шилдэг богино хэмжээний баримтат кино”, “Шилдэг нүүр будалт, үс засалт”, “Шилдэг дуу”, “Шилдэг богино хэмжээний хүүхэлдэйн кино”, “Шилдэг богино хэмжээний уран сайхны кино”, “Шилдэг дуу бичлэг”, “Шилдэг визуал эффект” гэсэн төрлүүдэд сүүлийн шатанд шалгарсан нэр дэвшигчдийн жагсаалтыг танилцуулсан байна.
97 дахь удаагийн “Оскар”-ын шагнал гардуулах ёслол 2025 оны гуравдугаар сарын 2-нд болох бөгөөд Америкийн инээдмийн жүжигчин Конан О’Брайен хөтлөх аж.
