Харри Поттерын тухай шинэ цуврал тун удахгүй

Өнгөрсөн жил стриминг үйлчилгээний HBO Max платформын зүгээс шидтэн хүү Харри Поттерын тухай цуврал хийх болсон талаараа мэдээлсэн. Ийнхүү тус мэдээ цацагдсанаас хойш “Гол дүрд ямар жүжигчид тоглох бол?” гэсэн асуулт цувралын үнэнч шүтэн бишрэгчдийн дунд халуун ярианы сэдэв болж эхэлсэн билээ. Харин HBO-гийн зүгээс өнгөрсөн есдүгээр сард Харри, Хермайни болон Рон нарын дүрд сонгон шалгаруулалт зарласан бөгөөд 32,000 гаруй хүүхэд өргөдлөө илгээгээд байгаа аж. Үндсэн цувралтай адил газар зураг авалт хийгдэх бөгөөд түүнчлэн цувралын зураг авалт 2026 онд эхлэх төлөвлөгөөтэй байгаа бөгөөд 2027 онд үзэгчдийн хүртээл болохоор товлогдоод байгаа юм.