“Зуун жилийн ганцаардал” зохиолоос сэдэвлэсэн цуврал кино Netflix-т орлоо

20-р зууны хамгийн шилдэг уран зохиолын бүтээлүүдийн нэгд зүй ёсоор тооцогддог Габриель Гарсиа Маркесын 1967 онд анх хэвлэгдсэн “Зуун жилийн ганцаардал” зохиолоос сэдэвлэн хийгдсэн бүтээл Netflix-д оржээ. Уг бүтээл нь нийт 16 ангитай бөгөөд одоогоор эхний 8 анги нь орсон байна. 

“Зуун жилийн ганцаардал” зохиолыг Гарсиа Маркес 1965-1966 оны хооронд 18 сарын турш Мехико хотод бичжээ. Энэхүү бүтээлийн анхны санаа нь 1952 онд зохиолч өөрийн төрсөн Аракатака тосгонд эхийнхээ хамт очих үед гарсан гэдэг. Гарсиа Маркес анх шинэ романаа “Гэр” гэж нэрлэхээр төлөвлөж байжээ.Зуун жилийн ганцаардал романд зохиомол тосгон Макандогийн үхэл амьдрал, уналт босолтыг Буэндигийн гэр бүлийн таван үеийн түүхээр дамжуулан хүүрнэдэг байна