Селена Гомез ая зохиогч Бенни Бланкотой сүй тавьснаа зарлалаа

Жүжигчин, дуучин Селена Гомез сүйн бөгжнийхөө зургийг “Forever begins now” гэсэн тайлбартайгаар өөрийн инстаграм-даа нийтэлжээ.

Селена Гомез болон продюсер Бланко нар харилцаагаа зарлахаасаа өмнө 2019 онд “I Can’t Get Enough”, 2023 онд “Single Soon” дуунуудад хамтран ажиллаж байсан юм. Мөн Бланко Рианна, Калвин Харрис, Жастин Бибер нартай хамтран ажиллаж байжээ. 

Дашрамд дурдахад Селена Гомез 2025 оны “Алтан бөмбөрцөг” наадамд хоёр номинацид нэр дэвшсэн юм. Нэг нь “Emilia Pérez” мюзикл кинонд тоглосон дүрээрээ шилдэг туслах эмэгтэй дүрийн төрөлд, нөгөө нь “Only Murders in the Building” кинонд тоглосон телевизийн олон ангит, мюзикл, инээдмийн киноны шилдэг эмэгтэй жүжигчин төрөлд нэр дэвшээд байгаа юм.