The Eras Tour ном хоёрхон өдрийн дотор 814,000 хувь борлогджээ
Тейлор Свифтийн “The Eras Tour Book” энэ сарын 5-ны байдлаар оны шилдэг борлуулалттай ном болжээ. Энэхүү номд дэлхийг тойрсон аялан тоглолтын үеийн гэрэл зургууд, бэлтгэл хийх мөч, тайзны арын хөгжмийн зэмсэг, хувцас жижиг хэрэгсэл, тоглолтын онцгой агшныг буулгасан 500 гаруй зургийг багтаасан байна. Мөн Тейлор Свифтийн эргэцүүлэл, тоглолтын турш өрнөх үйл явдлууд түүний мэдрэмж үзэл бодол туршлагыг өгүүлжээ. Тус ном нь АНУ-ын Target дэлгүүрүүдээр худалдаалсан эхний хоёр хоногтоо 814,000 хувь борлогдож, жилийн дээд амжилтыг тогтоосон байна. Тус амжилт нь эхний долоо хоногтоо 816,000 хувь борлогдсон Ерөнхийлөгч асан Барак Обамагийн “A Promised Land” хэмээх номтой дүйцэхүйц томоохон үзүүлэлт юм.
Энэхүү номыг Amazon-оос худалдаж авах боломжтой.
