Adidas-ийн хамгийн их борлуулалттай 10 пүүз 

Adidas брэндийг 1949 онд Германы Герцогенаурах хотод Адольф “Ади” Дасслер үүсгэн байгуулсан бөгөөд дэлхийн тэргүүлэгч спортын хувцас үйлдвэрлэгч юм. Үүсгэн байгуулагчийнх нь хоч болох “Ади” мөн түүний овгийн эхний үе болох “Дас”-аас “Адидас” гэх нэрийг өгч байжээ. “Adidas” брэндийн хамгийн их борлуулалттай 10 гуталтай хамтдаа танилцацгаая. 

            1. Adidas Stan Smith

Анх 1965 онд Францын тоглогч Роберт Хэйлетийн нэрэмжит теннисний гутал нэрээр гарч байжээ. Үүнээс хойш 1978 онд Америкийн теннисчин Стэн Смитийн нэрэмжит нэрээр нэрлэгдсэн. Цоолбор бүхий гурван судалтай цэвэр цагаан арьсан хийцтэй, ногоон өнгийн өсгийтэй хавчаартай загвар юм. Минималист энгийн энэхүү загварыг алдартнууд, загварын шүтээнүүд, пүүз сонирхогчид нэгэнт хүлээн зөвшөөрчээ. 

            2. Adidas Superstar

Сагсан бөмбөгийн гутал хэмээн анх 1969 онд борлуулагдаж байжээ. Хурууны резин, гурван судалтай, бат бөх хийцтэй гэдгээрээ алдартай. 1980-аад онд хип хоп хамтлаг Run-D.M.C.-ийн ачаар асар их нэр хүндтэй болсон бөгөөд залуусын анхаарлыг татжээ. 

3. Adidas Gazelle

Adidas Gazelle бол спорт, загварын аль алинд нь соёлын бэлгэ тэмдэг болсон пүүз юм. 1966 онд анх худалдаанд гарсан тус гутал нь илгэн дээд хэсэг, загварлаг дүрс бүхий бэлтгэлийн гутал хэлбэртэй. Энгийн хэр нь загварлаг загвар нь маш хурдан хугацаанд алдаршсан нь зөвхөн тамирчдын төдийгүй олон нийтийн чиг сонгох дуртай гутал болсон. Сонгодог гурван судалтай, олон янзын өнгөний сонголттой учраас бүх төрлийн хувцаслалт дээр зохицдог байна. Намхан резин ул нь тав тухтай учир өдрийн турш өмсөхөд тохиромжтой. 

            4. Adidas Samba

Adidas Samba нь 1949 онд үйлдвэрлэгдсэн тус брэндийн хамгийн алдартай, удаан хугацаагаар амжилттай борлуулагдсан загваруудын нэг юм. Олон арван жилийн турш Самба спортын хүрээнээс тэлж, загварын болон соёлын томоохон илэрхийлэгч болоод байна. Adidas-ийн хамгийн эртний бөгөөд хамгийн сайн борлуулалттай пүүз. Сүүлийн гурван жил энэхүү загварыг дэлхийн өнцөг булан бүрд бүх насныхан өмссөн гэхэд хилсдэхгүй. Adidas-ын албан ёсны вэбсайт болон дэлхийн өнцөг булан бүрээс сонгогдсон дэлгүүрүүд зэрэг янз бүрийн жижиглэн худалдаачдаар худалдаалагдсаар байна. 

5. Adidas NMD

Adidas NMD (“Nomad” гэсэн үгийн товчлол) нь 2015 онд худалдаанд гарсан шинэлэг, орчин үеийн пүүз. Минималист хэв маягтай хослуулсан нь пүүз сонирхогч, энгийн хувцас өмсөгчдийн сонгох хамгийн том шалтгаан болсон. Гол материал нь биед эвтэйхэн, оймс шиг өмсөгддөг тав тухтай байдгаараа алдартай. Хөнгөн хийц, амьсгалах материал нь NMD-г өдрийн турш өмсөхөд болгодог.

6. Adidas Ultraboost

2015 онд танилцуулагдсан Adidas Ultraboost цуврал нь спортын гутлын онцлог, тав тухтай байдлын жишиг загвар. Дээд хэсэг нь Primeknit технологитой, хөнгөн, амьсгалах чадвартай, хөлийн хэлбэрт тохирсон.  Гаднах ул нь Stretchweb технологиор тоноглогдсон бөгөөд уян хатан резинээр, бат бөх чанарыг сайжруулсан. Олон жилийн туршид Adidas нь Ultraboost 21 гэх мэт олон янзын загваруудыг танилцуулсан.  2023 онд худалдаанд гарсан Ultraboost Light хувилбарт Boost илүү шинэлэг өнгө төрхтэйгөөр эргэн иржээ.  

            7. Adidas Yeezy Boost 350

Adidas болон загвар зохион бүтээгч Канье Уэст нарын хамтын бүтээл нь гудамжны хувцасны ертөнц дэх хамгийн алдартай, эрэлттэй пүүзүүдийн нэг юм. 2015 онд анх худалдаанд гарсан Yeezy 350 нь загвар болон нэр хүндийн хослуулсан дээд зэрэглэлийн, тансаг пүүзнүүдийн нэг. 

            8. Adidas ZX Flux

Хамгийн анх 1980-аад онд анх танилцуулагдсан. Түүний дараагаар 2014 онд ZX 8000 гэх шинэлэг загварыг дахин худалдаанд гаргасан. Загварын хувьд дээд хэсэг нь торон, ул нь хөнгөн бөгөөд өдөр тутамдаа өмсөхөд зөөлөвч нь дэмжлэг үзүүлдэг. Резинэн ул нь удаан эдэлгээтэй, хотын янз бүрийн орчинд өмсөхөд тохиромжтой.

ZX Flux нь Adidas-ийн албан ёсны вэбсайт болон дэлхийн өнцөг булан бүрээс сонгогдсон дэлгүүрүүд зэрэг янз бүрийн жижиглэн худалдаачдаар худалдаалагдаж байна.

            9. Adidas кампус

Adidas Campus бол 1980-аад онд анх гарч ирснээсээ хойш гудамжны хувцасны загварын гол төлөөлөгч сонгодог пүүз юм. Хип хоп урлагт соёлын бэлгэ тэмдэг болж статусаа бэхжүүлж чадсан. Кампус нь илгэн материалтай хажуу талдаа гурван судалтай. 

            10. Adidas LA Trainer

Adidas LA Trainer нь 1984 онд анх гарч ирсэн сонгодог пүүз бөгөөд Лос-Анжелесийн Олимпын наадамд оролцох тамирчдад зориулагдсан юм. Олон жилийн туршид LA Trainer нь гудамжны хувцасны гол төлөөлөгч болж олон талт байдлаараа алдартай болсон. Торон болон илгэн даавууг хослуулан үйлдвэрлэсэн бөгөөд амьсгалах, бат бөх чанарыг хангадаг.