Танилц: 12-р сард нээлтээ хийх онцлох 5 кино

1.Sonic the Hedgehog 3

Жефф Фаулерын найруулсан “Соник зараа 3” кино 2024 оны 12-р сарын 20-нд нээлтээ хийхээр төлөвлөж байна. Алдартай франчайзын гурав дахь анги нь хурдан хөх зараагийн адал явдлуудаар үргэлжилнэ. Энэ ангид “Төслийн сүүдэр” гэгддэг засгийн газрын нууц туршилттай холбоотой ээдрээтэй түүхтэй “Заа” хэмээх дүрийг танилцуулах аж. Жим Кэрри зодог тайлаад энэхүү киногоор эргэн ирж доктор Роботникийн дүрд тоглох болсон нь киноны хүлээлтийг улам нэмэгдүүлжээ. 

2.Муфаса: Арслан хаан

Оскарын шагналт кино найруулагч Барри Женкинсийн найруулсан энэхүү кино нь Муфасагийн гарал үүсэл, тэмцэл, түүний хувь заяаг тодорхойлсон үйл явдлууд, тэр дундаа хожим нь Сорви болсон Такатай тогтоосон харилцааг тодруулах зорилготой юм. Ах дүүсийн өрсөлдөөн, хүсэл тэмүүллийг тэдний харилцааг харуулсан энэхүү кино энэ сарын 20-нд нээлтээ хийнэ. 

3.Бөгжний эзэн: Рохирримын дайн

“New Line Cinema” болон “Warner Bros. Animation”-ийн бүтээсэн уг кино нь энэ оны хамгийн их хүлээгдэж буй уран зөгнөлт кинонуудын нэг юм. Дундад зууны  дэлхийн түүх, баатарлаг тулалдааны талаар үзэгчдэдээ шинэ өнцгөөс харуулах гэнэ. Найруулагч Кенжи Камиямагийн найруулсан уг кино нь Роханы хаан Хелм Хаммерхандын тухай өгүүлэх анхны гурвалсан зохиолын өмнөх анги юм. 

4.Kraven the Hunter 

Кравен өөрийгөө дэлхийн хамгийн агуу анчин гэдгээ нотлохыг хичээх хэрээр хүн аалзыг барьж авах хүсэлдээ автдаг бөгөөд түүнийг эцсийн олз гэж үздэг.

Бусад супер баатрын кинонуудаас ялгаатай нь “Анчин Кравен” нь дүрийн сэдэл, муу санаатан болж хувирах, шударга ёсны тухай ээдрээтэй мэдрэмжийг харуулах юм. Энэ кино нь мөн Кравены ан агнуур, амьд үлдэх мэдлэгээ ашиглан дайснаа хайж олохын тулд түүний харгис хэрцгий, араатанлаг зан чанарыг илүү гүнзгийрүүлэн үзүүлэх гэнэ.  Энэ оны 13-нд нээлтээ хийхээр төлөвлөөд байна. 

5.Nosferatu 

“The Witch” болон “The Lighthouse” киногоороо алдартай Роберт Эггерсийн найруулсан энэхүү шинэ хувилбар нь цус сорогчийн үлгэрт шинэлэг бөгөөд аймшигтай дүр төрхийг харуулах гэнэ. Энэ сарын 25-нд АНУ-д  нээлтээ хийхээр төлөвлөж байна.  Аймшгийн киноны хорхойтнууд “Носферату” кинонд маш өндөр хүлээлт тавьж байгаа нь гарцаагүй. Энэхүү кино нь шинэ үзэгчид болон эх зохиолын шүтэн бишрэгчдийн анхаарлыг татахын тулд түүхэн элементүүдийг орчин үеийн аймшигтай хольж, цус сорогчийн тухай шинэлэг байдлаар хүргэхийг зорьжээ.