Huawei Mercedes-Benz болон Rolls-Royce нартай дүйцэхүйц тансаг машин танилцууллаа
Huawei зах зээл дээрх шилдэг тоглогч гэдгээ баталхын тулд Maextro S800 тансаг салонтай шиэж загварын машинаа танилцууллаа. Тансаг зэрэглэлийн седан нь Mercedes-Benz S-Class болон Rolls-Royce Phantom-тай өрсөлдөхөөр болжээ.
Энэхүү алхам нь Huawei нь одоо JAC-ыг дөрөв дэх гишүүнээр нь багтаасан Harmony Intelligent Mobility Alliance (HIMA)-аар дамжуулан автомашины салбарын дээд түвшинд хүрснийг харуулж байна.
3,370 мм-ийн тэнхлэг хоорондын зайтай, тансаг зэрэглэлийн Maextro S800 нь орчин үеийн хоёр өнгийн өнгөний схем, өдрийн цагаар ажилладаг гэрэл, гялалзсан мөнгөн өнгөлгөөтэй дугуйг харуулсан бөгөөд бүгдээрээ түүний нэр хүндийг нэмэгдүүлэх зорилготой гэв. Mercedes-Benz S-Class болон Rolls-Royce Phantom гэх тансаг зэрэглэлийн автомашинуудтай өрсөлдөхүйц Maextro S800 нь 2025 оны эхээр худалдаанд гарахаас өмнө 1 сая юаниас 1.5 сая юань (137,800-206,700 ам.доллар) хооронд үнэлэгдсэн байна.
Хуавэйгийн автомашины салбарт хүч түрэн орж ирсэн нь үүгээр зогсохгүй тус компани нь HIMA-ийн далбаан дор Серес, Чери, BAIC гэсэн гурван үйлдвэрлэгчтэй хамтран 500,000 гаруй цахилгаан автомашин нийлүүлж, цахилгаан автомашины зах зээлд томоохон ахиц дэвшил гаргасан. Huawei болон Хятадын автомашин үйлдвэрлэгчийн хамтын ажиллагааны анхны загвар болох Aito M5 нь 2022 оны 3-р сард худалдаанд гарсан нь Huawei-ийн автомашины салбарын шинэ хуудасны эхлэлийг тавьсан юм.
