Улсын арслан  М.Мөнгөний нэрэмжит барилдаан болно

Монгол Улсад ой модны салбар үүсэж хөгжсөний 100 жилийн ой, улсын арслан М.Мөнгөний нэрэмжит Улс,аймаг, цэрэг, сумын алдар цолтой хүчит 128 бөхийн барилдаан 11 сарын 24-нд Монгол бөхийн өргөөнд зохион байгуулагдана.

Уг барилдаанд түрүү бөх 8 сая, үзүүр бөх 5 сая, шөвгийн барилдаанд үлдсэн бөхчүүдэд тус бүр 1.5 сая төгрөг гардуулна. 

Увс аймгийн Давст сумын харьяат Улсын арслан М.Мөнгөн 1980-1990 оны хооронд улсын наадамд 2 удаа үзүүрлэж 17 удаа шөвгийн барилдаанд барилдсан хүчит бөх юм.