Amazon нь хүргэгчдэдээ зориулсан нүдний шилний технологийг хөгжүүлж байна

Amazon нь хүргэгчдэд зориулсан ухаалаг нүдний шил хөгжүүлж байгаа бөгөөд энэ нь тэдэнд тухайн маршрут болон газар руу чиглүүлэх, барилга доторх замыг зааж өгөх зорилготой юм. Энэхүү шинэ технологи нь хүргэлт хэрэглэгчийн гарт очих хүртэлх цагийг хэмнэх зорилготой аж. Өөрөөр хэлвэл хэрэглэгчийн гэрт хүрэх замд хүргэгчдэд илүү үр дүнтэйгээр туслах боломжтой болж байна хэмээн эх сурвалжууд мэдээлж байна.

Ухаалаг нүдний шил нь хүргэгчдэд замын бүх шатанд, тэр дундаа барилга дотор очих үед жижиг дэлгэцээр энгийн чиглүүлэлт өгч, зөв замыг дагах боломжийг олгох юм. Үүний тусламжтайгаар хүргэгчид утас эсвэл бусад төхөөрөмж дээр зааварчилгааг харахгүйгээр шууд нүдний шил дээрх мэдээлэлд үндэслэн чиглэлээ дагаж, хурдан бөгөөд үр дүнтэй хүргэлт хийх боломжтой болно.

Хэрэв энэ төсөл амжилттай хэрэгжвэл, Amazon-ын хүргэлтийн сүлжээг илүү үр ашигтай, хурдтай болгох бөгөөд том хотууд болон төвлөрсөн орчинд хүргэлтийн алдааг багасгаж, цагийг хэмнэхэд чухал нөлөө үзүүлэх юм.

Тус технологи нь одоогоор хөгжүүлэлтий явцдаа байгаа бөгөөд албан ёсны мэдээлэл гараагүй байгаа ч, Amazon-ын хүргэлтийн үйл явц болон логистикийн дэвшилд томоохон алхам болох төлөвтэй байна.