Тесла компанийн шинэхэн элч төлөөлөгч буудлагын тамирчин Ким Еэ Жи

2024 оны Парис олимпын наадмын 10 метрийн хийн гар бууны төрөлд оролцсон Өмнөд Солонгос улсын тамирчин Ким Еэ Жи нь өөрийн дүр төрх, хэв маягаараа олны анхаарлыг ихээр татсан билээ.

Тесла компанийн гүйцэтгэх захирал Илон Маск түүнийг тулаантай кинонд дүр бүтээхэд яг тохирно хэмээн тодорхойлж байсан. Тэгвэл хэдхэн хоногийн өмнө Тесла Кореа компани түүнийг брэндийнхээ анхны элч төлөөлөгчөөр сонгожээ. Түүний сурталчилсан бүтээгдэхүүнүүдийн орлогын зарим хэсгийг буудлагын спортыг хөгжүүлэх зорилгоор Солонгосын Буудлагын Холбоонд хандивлахаар болжээ.