Spider-Man 4 нээлтийн өдрөө зарлалаа

Хүн аалз киноны 4-р анги ойролцоогоор 2026 оны 7-р сарын 24нд нээлтээ хийхээ зарлалаа. Үүнээс өмнө буюу 2026 оны тавдугаар сарын 1-ны өдөр Avengers: Doomsday нээлтээ хийх билээ.

Том Холланд 4 дэх удаагаа Питер Паркер/Хүн аалзны дүрээр эргэн ирж, түүний найз бүсгүй Зендаяа MJ-гийн дүрээр дахин хамтран эргэн ирэх гэж байна. Ирэх зун буюу 2025 онд зураг авалт нь эхлэхээр төлөвлөж байгаа аж.

“Хүн аалз: Гэртээ харих зам” кино 2021 онд нээлтээ хийснээр олон дээд амжилтыг эвдсэн бөгөөд 200 сая долларын төсөвтэй байхад дэлхий даяар 1.9 тэрбум долларын орлого олсон түүхтэй билээ. Марвелийн шүтэн бишрэгчдийн хувьд хоёр жилийн хүлээлт гэдэг тааруухан мэдээ боловч ойрхон зайтай хоёр бүтээл хүлээн авна гэдэг том хүлээлт үүсгэж байгаа аж.