Тансаг зэрэглэлийн Prada-тай сансарт хөөрөх үү?
Тансаг зэрэглэлийн загварын ордон Prada болон арилжааны сансрын компани Axiom Space нар НАСА-гийн Artemis III саран дээр өмсөх сансрын хувцасны загварыг танилцууллаа.
Өнгөрсөн лхагва гарагт Миланд болсон Олон улсын сансрын нисгэгчдийн конгрессын үеэр танилцуулагдсан костюм нь цагаан өнгийг голлон ашигласан ба их бие, тохой, өвдөгний хэсэгт чулуун саарал оруулгатай. Брэнд, лого байхгүй ч гэсэн загварт шуу, бэлхүүс, “зөөврийн үүргэвч” зэрэг улаан өнгийн оруулга багтсан нь Прадагийн дэд брэнд болох Linea Rossa-г илтгэдэг.
Axiom Space-ийн дэд ерөнхийлөгч Рассел Ралстон хэвлэлийн бага хурлын үеэр “Энэ бол шинэлэг хамтрал. Бид инженерчлэл, шинжлэх ухаан, урлагийг хослуулж байна.” хэмээн мэдэгдэв.
Тус хослолууд нь олон тооны шинэлэг шинж чанаруудыг агуулжээ. Сансрын нисгэгчид тусгайлан сайжруулсан гутлын ачаар өдөрт дор хаяж найман цаг сансарт алхах боломжтой болно. Хэт өндөр температур, сарны тоосноос хамгаалах, дулааныг тусгах чадвартай цагаан материалаар хийгдэх аж.
Одоогоор 2026 оны хоёрдугаар хагаст хийхээр төлөвлөж буй НАСА-гийн Артемис 3-р даалгавар нь 1972 оны Аполло 17-оос хойших сансрын нисэгчийн саран дээр буухаар төлөвлөж буй анхны даалгавар юм. Хэрэв энэ нь амжилттай болбол саран дээр анх удаа эмэгтэй хүн алхаж магадгүй аж.
