Монгол Улс жил бүр 975 сая ам.долларын өр төлнө

Өнгөрөгч даваа гарагт Монгол Улсын Ерөнхий Сайд бондын эргэн төлөлт хийснээ мэдэгдэж өргүй болсноо зарласан. Гэтэл олон улсын “Fitch Ratings” агентлаг Монгол Улс ирэх таван жилийн хугацаанд жил тутамд 975 сая ам.долларын өр төлнө гэдгийг онцлов.  

Харин Дэлхийн банкаас гаргасан ОУ-ын өрийн тайланд Монгол Улсын үндэсний нийт орлого болон гадаад өрийн үлдэгдлийн харьцаа 2022 онд 229 хувьд хүрсэн хэмээн дурджээ. Сангийн сайдын зүгээс манай нийт гадаад өр гуравдугаар улирлын байдлаар 34 тэрбум ам.долларт хүрсэний 23.1 хувь буюу 7.9 тэрбум нь Засгийн газрын гадаад өр болохыг мэдэгдэж байжээ.