Цахилгаан автомашины хэрэглээ нэмэгдэж, үнэ буурч байна
2020 онд нийт тээврийн хэрэгслийн дөрвөн хувийг эзэлдэг байсан цахилгаан автомашины зах зээл 2022 онд 14% болж нэмэгдсэн. Энэ тоо цаашид улам нэмэгдэх хандлагатай байгаа бөгөөд томоохон компаниуд тэргүүлэгч үйлдвэр болохын төлөө өрсөлдөж байна.
Өнгөрсөн онд дэлхийн цахилгаан автомашины нийт борлуулалтын 60 хувийг Хятад улс дангаараа эзэлсэн ба энэ оны эхний хагасаар ч мөн Хятад компаниуд энэ зах зээлд гол тоглогч хэвээр байна.
| Зэрэглэл | EV Maker | Улс | Борлуулсан тоо |
| 1 | BYD | Хятад | 1.191.405 |
| 2 | Tesla | АНУ | 888.879 |
| 3 | BMW | Герман | 220.795 |
| 4 | GAC-Aion | Хятад | 212.090 |
| 5 | Volks-wagen | Герман | 209.852 |
| 6 | SGMW | Хятад | 191.767 |
| 7 | Mercedes | Герман | 165.213 |
| 8 | Li Auto | Хятад | 139.874 |
2035 он гэхэд Европын холбооны гишүүн орнууд бензин болон дизель хөдөлгүүртэй автомашингүй болох зорилт тавьсан. Цахилгаан автомашины хэрэглээгээр европын орнууд тэргүүлдэг. Улс орнууд цахилгаан автомашины хэрэглээгээ нэмэгдүүлэхийн тулд импортын татвараас чөлөөлөх, замын хураамжаас хувь хөнгөлөх, урамшуулал олгох зэрэг бодлого хэрэгжүүлдэг ажээ.
| 1 | Норвеги | 88% |
| 2 | Исланд | 70% |
| 3 | Швед | 54% |
| 4 | Дани | 39% |
| 5 | Финланд | 38% |
| 6 | Нидерланд | 35% |
| 7 | Герман | 31% |
| 8 | Хятад | 29% |
| 9 | Бельги | 26% |
| 10 | Швейцарь | 25% |
Тесла цахилгаан автомашины зах зээлийг дахин тэргүүлэхийн тулд өмнө нь гаргасан машиныхаа үнийг буулгаж байна. Жишээлбэл, Tesla Model 3-ын үнэ сүүлийн нэг жилийн хугацаанд 17 хувиар буурчээ.
Одоо бусад автомашин үйлдвэрлэгчид, тэр дундаа тансаг зэрэглэлийн брэндүүд ч гэсэн EV-ийг их хэмжээний хямдралтай үнээр зарж байгаа аж.
